YOHANET 6:62 - Ala Ane Wene Ket Mene Warogo Wo'ninapike Wene

⁶² An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

YOHANET 6:62 ပူးပေါင်းရင်းမြစ်များ

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LUKAT 24:51

Atì'nogo hai warinapo kolek aremnogoat he, it atem werek kolek, Ala nen, at ebe hapok hogo wolok pogot oba lagasike.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

YOHANET 6:53

at Yesùt en he, “An nen wene aike yogohisak. An abat ta'lasi wagagi a'nogo nebe nìkìk, namep nìkìk, ìkì lagep lek halok, ineluk motok welagaikarek mene, hit esewerek agì'lek welagep o, ìlùk eberogoat yogohisìgì.