YOHANET 6:60 - Ala Ane Wene Ket Mene Warogo Wo'ninapike Wene

⁶⁰ At Yesùt en wene atì'nogo yogoisasikomo, it at agoromì ane wanhì lagaukwa mene amanogo aike inebe apigat wene atì inasuk holhukwasik he, mel isukwa: “Wene ike atì re, ekin api'mo, sa hak en wanigin akegep. Mea o,” ìlùk isukwa.

YOHANET 6:60 ပူးပေါင်းရင်းမြစ်များ

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

YOHANET 8:43

Atì'nogo wagagisik, wene yogohisìkì lagì mene hit hùthìgì'lek welagep atì nahalok. Atì'nogo welagep atì re, an nane holek logousak hinabìt atì nen o.

YOHANET 8:31

Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

2 PETERÙT 3:16

At en wene ninhùp-nanhùbat helal waganogo hinoba lakhei waga logolìk, wene atì mene hesik ikoat welagarek o. Mene re, wene at en helal waganogo hinoba lakhei wagarek mene atì re, wene aike hùthasak mea negen werek o. Were'ma re, it aike inetaùken pìre abolok werek mene hùgì nen, wene atì inokot logolìk, wene Ala nen isikomo Paùlùt en helal wanherek mene atì mel, it aike nen helal wanhukwa mene atì mel, wene higit werek meneat he, hebelogo kolothìlì'lùgì atì. Wene hebelogo kolothìkì logolìk, inokawerek enat inebe weagat hakìlì'lùgì atì.

IBERANI 5:11

Wene atì hesik he, nit en hit yogohisasak mene apigat werek meneat he, hit hinoabùt, wene hepok hùthasak mea atì nen, nit en tùkùm hogo yakùlhisasak mea o.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 5:25

Nen, apùnì warek mene nen, an Ala aput nane inasuk holugun oba oan werek meneat he, arat asi wagasik werek o. It nane inasuk holugun mene halok, ineluk arìk ineluk motok logogun o, ìlùk, eberogoat yogohisìgì.

YOHANET 6:52

Atì'nogo yogoisasikomo re, it ap Yahuri mene amanogo, it-it inane palhì logolìk he, wene mel isukwa: “Ap sanì. Ap yì ebe mane nit noagalùk nìkì'nogo wo'nisagalùk en yogonisike akegep,” ìlùk isukwama,

YOHANET 6:64

Wene atì ba inelugurinaperek meneat he, hit he'nakìt yoma eberogoat ìlùk hinetaùken an noba hìpìrethìgì'lek welagep hìgì,” ìlùk yogoisasike. Atì'nogo yogoisasike atì re, it aike inetaùken at oba hìpìrethìgì'lek mene mel, at aike nen Yesùt ebe wasuagalùk yoko legein mene mel, it atì, atì'nogo hagasugun, ìlùk at emakum enat elu welagaikesi'mo nogo nen he, wene atì'nogo yogoisasike atì.

YOHANET 7:3

Atì'nogo hakok i wagajkomo logolìk, at Yesùt okawerek agaiya'lak mono hogo re, inetaùken at oba hìpìrethìgì'lek welagaukwa atì non he, met yogosukwa: “Hat hagoromì hane wìlì'lùgì mane amanogo nen, hat hagatetek mane hagatenem ineileken heoak on, o yoma hebùlùk a Yurea pino. Ap metagewerek asuogolùk akìkì logolìk halok he, hinagasogo hagatarek lek o. Halok he, hat hagatì lagen atì, apùnì kweangma mane inebe obogat inelu asuagalùk weinam hogo hagasi pino,” ìlùk yogosukwa.