YOHANET 6:56 - Ala Ane Wene Ket Mene Warogo Wo'ninapike Wene

⁵⁶ Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

YOHANET 6:56 ပူးပေါင်းရင်းမြစ်များ

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

ABÌKAKAN 3:20

Lakhani! An nebe kwe ba metek logolìk, kwe ane papagathìkì lagì o. Atì'nogo papagathikenem, sa nen nane asuk holìk he, kwe hù'neegein halok, an at oba ha kìlìk he, sùpùrùk niko nagaiyak-hagaiyak neperak hutik logogun o.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

YOHANET 6:55

An nebe mel, namep mel, atì re, hinapùrùk hinagei ebe meneat o.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.