YOHANET 6:55 - Ala Ane Wene Ket Mene Warogo Wo'ninapike Wene

⁵⁵ An nebe mel, namep mel, atì re, hinapùrùk hinagei ebe meneat o.

YOHANET 6:55 ပူးပေါင်းရင်းမြစ်များ

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

YOHANET 15:1

At Yesùt en wene atì'nogo yogoisasikesik, hobuk aike mel yogoisasike: “Hele anggur ero ebe mene re, an nebeat o. Nen ebe esewerek he, an nopaseat o.

YOHANET 6:32

Atì'nogo yogosukwama, at en he, mel yogoisasike: “An nen wene aike yogohisak. Sùpùrùk pogot oba nen pelakhisa waga lagaike atì re, at Musa nen hùk. Lek o. At he, sùpùrùk ebe mene atì re, nopase nen an nebe apùnì kweangma mene inelugurinapìrek mene pogot oba nen pi wagagi atìat wokhisikerek o,” ìlùk yogoisasike.

YOHANET 6:54

Meneat he, sa nen an nebe nìkìk, namep nìkìk, ìlì'logo halok he, ineluk motok logogun mene ese arìk were'ma, o elùgùn oba an nen elugurasigin o.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

YOHANET 8:31

Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

YOHANET 8:36

Atì hak he, an Ala ebe aput en, hit hele hikalogo hinalepma hikìgì halok, eberogoat hele hikalek hinalepma logogun o,” ìlùk yogoisasike.

IBERANI 8:2

Atì'nogo werek atì, Ala awì su mene apùnì nen elama hesik wusukwa ba werek hùk. Lek o. We, Ala okawerek awì ebe mene wùsike ba atoma logolìk nit hesik hagaterek o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.