YOHANET 6:53 - Ala Ane Wene Ket Mene Warogo Wo'ninapike Wene

⁵³ at Yesùt en he, “An nen wene aike yogohisak. An abat ta'lasi wagagi a'nogo nebe nìkìk, namep nìkìk, ìkì lagep lek halok, ineluk motok welagaikarek mene, hit esewerek agì'lek welagep o, ìlùk eberogoat yogohisìgì.

YOHANET 6:53 ပူးပေါင်းရင်းမြစ်များ

1 YOHANET 5:12

Apùnì nen Ala aput ebe wanha halok he, nabùlal-habùlalat wanhasik ese agaikasik werek o. Mene re, it aike nen Ala aput ebe wanhì'lek halok he, nabùlal-habùlal wanìk ese agì'legat werek o.

YOHANET 6:55

An nebe mel, namep mel, atì re, hinapùrùk hinagei ebe meneat o.

YOHANET 15:4

Atì'nogo hinobùseka hake palek welagep atì re, hit an ninom hutik, nen, an hit ninom hutik, logouok o. Hele ekisok atì re, ebe ba hutik lek halok, eken isusak motok mea o. We, ebe ba hutik halok, eken ìterek atì hak, hit an ninom hutik logogun lek halok he, hano mene hagasusak mea o. We, an nebe ba hutik halogat, hano hagasusak o.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

MATÌÙT 18:3

mel yogoisasike: “Hit apùnì yì re, hinepe hebelarìk hinoabùt yekerùgì yì inoabùt hake haga'lasugun lek halok he, Ala nen awe a'ma hisikere'ma atoma kugun motok lek o, ìlùk eberogoat yogohisìgì.

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

LUKAT 13:5

Lek o. An nen hit yogohisak. Hit weak hagatì lagep mene atì, heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o,” ìlùk yogoisasike.

LUKAT 13:3

Lek o. An nen hit yogohisak. Hit weak hagatì lagep mene atì heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o.

YOHANET 13:8

at Peterùt en he, mel yogosike: “Noe Hat en an nesok obakwe sobalnabusak motok lek o!” ìlùk yogotì lagaikomo, at Yesùt en he, mel yogosike: “An nen hat sobalhabusak lek halok he, hat hebe an esewerek logogin lek o,” ìlùk yogotì lagaikomo,

MATÌÙT 5:18

An nane eberogoat yogohisak. Pogot mel, kweang mel, oan lek agì'lek werek kolek ya re, wene Ala nen ninasuk wasike mene atì, helal hamùlùgat sobon al hake mel, inesiken omakeat hake mel, lek agì'lek motok heleleng hogo eberogoat haga'lasigin o.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.