YOHANET 6:51 - Ala Ane Wene Ket Mene Warogo Wo'ninapike Wene

⁵¹ Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 6:51 ပူးပေါင်းရင်းမြစ်များ

LUKAT 22:19

Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike: “Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo,

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

YOHANET 11:26

Nen, apùnì ineluk logolìk inetaùken an noba hìpìrethagarek mene hùgì, inebe lopok wa'lagì'lek ineluk motok logogun o. Wene atì eberogoat ìlùk hùthegen a?” ìlùk yogotì lagaikomo,

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 3:14

Nen, ap Musa o leimo apùnì le'ma atoma logolìk, walo hake hagarogo e ba menhesike atì hak, it apùnì yoma inetaùken an abat ta'lasi wagagi mene yì noba hìpìrethogoin mene hùgì, inebe lopok ineluk motok logouagalùk, an atì'nogoat menhanusak obaat menhanugunat o.

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

YOHANET 6:35

at en he, mel yogoisasike: “Sùpùrùk inelugurinapìrek mene atì re, an nebeat o. Sa nen an noba wagìk, etaùken noba hìpìrethìgìk, igin halok he, sùpùrùk nele agìk, i nele agìk, ìkì logogin lek o.

YOHANET 6:41

Nen, at Yesùt en atì'nogo yogoisìkì logolìk, “Sùpùrùk horoti pogot oba mene atì re, an nebeat pi wagagi o,” ìlùk yogoisasike atì nen, it ap Yahuri mene nen, at abok ngùlùk-habuk palhì logolìk,

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

YOHANET 6:48

wene aike mel yogoisasike; “Sùpùrùk inelugurinapìrek mene atì re, an nebeat o.

YOHANET 6:50

Atì'nogo wa'lagaukwa meneat he, sùpùrùk ebe mane pogot oba nen pi wagaike atì. Atì'nogo pi wagaikesi'mo re, sa nen sùpùrùk atì mene niko halok, at ebe wa'lagì'lek eluk motok logogin o.

YOHANET 7:38

Nen, sa nen etaùken an noba hìpìrethike halok he, i inelugurinaperek mene at a'la nen elesi huluk-huluk palogo wùlìpì logogin o, ìlùk Ala ane helal waganek oba isukwa hagat haga'lasigin o,” ìlùk,

2 KORÌTÙT 5:19

Wene ninoba hesike atì ebe re, mel. At Karìsùt ebe hùlìsanem logolìk hagasike atì ba, Ala nen yì apùnì tì apùnì obogat at okawerek inom lapuk hogo hinasike. At en atì'nogo hinìkì logolìk, nit apùnì nen weak hagatorek mene ùkùm ninoba hìgì'lek sagalogo heraksasike atì. At en atì'nogo hagasike wene atì nit en yogoisìlìk nìkì logouagalùk ninoba hesike.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

EPESÙT 5:25

At Karìsùt en nit Ala againapùrì ninebe etawì'ninapikesik he, “It hesik noasuak,” ìlùk akasike ba ebe wasukwama wa'lagaike hak, hit ap he, hinagagwì atì'nogoat hinetawìrogo hagatì logoino o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 10:20

Nit atì'nogo kusak atì re, o hùlù su mene ba hùlì warek atì, at Yesùt ebeat. Ma re, nit apùnì ninelugu'ninabiginmo kuagalùk, kwe at Yesùt ebe wa'lagaike atì ba, kwe ket mene nit hesik yasike.

1 PETERÙT 2:4

At ebe helep hake eluk welagarek mene ìlùk he, oba we'no. Apùnì nen he, “Helep atì weak,” ìlùk hebisasukwa meneat he, Ala nen he, “Helep yì motok hano meneat,” ìlùk wenago hesike.

1 YOHANET 2:2

At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.