YOHANET 6:50 - Ala Ane Wene Ket Mene Warogo Wo'ninapike Wene

⁵⁰ Atì'nogo wa'lagaukwa meneat he, sùpùrùk ebe mane pogot oba nen pi wagaike atì. Atì'nogo pi wagaikesi'mo re, sa nen sùpùrùk atì mene niko halok, at ebe wa'lagì'lek eluk motok logogin o.

YOHANET 6:50 ပူးပေါင်းရင်းမြစ်များ

ÙRÙM 8:10

Atì'nogo meneat he, hit Karìsùt hina'la werek halok he, hinoabùt weak hagatesep atì nen, hinebe hinogat mene yì wa'lasugun meneat he, Ala nen ùkùm hinoba mene korogo wokhìlìk hobuk hinapotkwe hinom hùnogo hikasike atì nen, at Areagùn nen hineluguthinabigin atì.

YOHANET 6:58

Nen, sùpùrùk pogot oba nen pi wagaike mene yì re, hit hinopalak nìkì lagaukwa mene inebe wa'laga lagaukwa atì hake re, lek meneat he, ap sa nen sùpùrùk ebe mene yì niko halok, eluk motok logogin o,” ìlùk yogoisasike.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 8:51

Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,