YOHANET 6:46 - Ala Ane Wene Ket Mene Warogo Wo'ninapike Wene

⁴⁶ Wene yogohisìgì yì re, it apùnì aike nen, an nopase atì ineileken hasukwa ìlùk yogohisìgì hùk. We, an naligat Ala were'ma nen wagagi mane yì nek he, nopase neileken hasigi o.

YOHANET 6:46 ပူးပေါင်းရင်းမြစ်များ

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 7:29

Atì'nogo meneat he, an enek he, at enat lakhani wagaikomo, o at were'ma atoma nenat wagagi atì nen he, an at ebe nelu o,” ìlùk yogoisìkì lagaikomo,

LUKAT 10:22

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

KOLOSE 1:15

Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

YOHANET 5:37

An nebe hùthanuagalùk, nopase nen lakhani wagaike mene atì nen, nabok pak hogoat yogohisasike meneat he, hit en nopase ane hinasuk holhì'legat, elokoken hineileken hìgì'legat logolìk he,

YOHANET 14:7

it obogat yogoisìkì logolìk he: “Hit an nebe hinelu agep atì re, an nopase hinelu asiginat o. Hinelu asigin atì re, hùlì yogotak hùlì nen, at ebe hinelu agìk, hineileken hìgìk, arat hìkì lagep o,” ìlùk yogoisìkì lagaikomo,