YOHANET 6:45 - Ala Ane Wene Ket Mene Warogo Wo'ninapike Wene

⁴⁵ Wene atì hesik it ap Ala ane yogoisìkì lagaukwa mene amanogo nen helal waganogo hìkì logolìk mel isukwa: It apùnì obogat Ala nenat wene yakùlisegein o, ìlùk, helal waganogo hasukwa atì hagat, apùnì an nopase ane inasuk holìlùk, at en yakùlisikenem yakùlha halok, inebe lopok an noba wagaikaregat o.

YOHANET 6:45 ပူးပေါင်းရင်းမြစ်များ

IBERANI 10:16

“At Ala nen, Hobuk, an nen it wene ket mene warogo woginabigin atì re, wene ebe yìat warogo woginabigin: Inasuk watìrek wene atì ina'la hisìgìk, inetaùkenma helal wanhìk, igin o,” ìlùk isikesik he,

1 TESALONIKA 4:9

Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

YOHANET 6:65

Atì'nogo yogoisasikesik he, wene aike mel yogoisasike: “Atì'nogo ìlùk, an nen he, Apùnì Ala nen ina'la kagalhì'lek halok, an noba wesusak he, mea ìlùk, yogohisìgì atì,” ìlùk yogoisasike.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

LUKAT 18:31

At Yesùt en wene atì'nogo yogoisalùk he, agoromì inebe 12 nen amanogo wogisek he, inalepma kek hogo lìlìk mel yogoisasike: “Nagoromì. Nit yogotak o Yerusalem pìkì lago. Arat pìlì'mo nen he, it ap alep Ala ane yogoisìkì lagaukwa mene amanogo nen, an abat ta'lasi wagagi a'nogo hobuk haga'nabugun mene helal waganogo hesukwa mene higit hogoat haga'nabugun o.

LUKAT 1:70

Atì'nogo hagate atì re, it ap ebalep mene Ala nenat okawerek hesik hakasikomo wene yogoisìkì lagaukwa mene nen yogoisìkì logolìk he,

MAREKÙT 1:2

Wene atì re, ero ba re, at Yesaya Ala ane yogoisìkì lagaike mene a'nogo nen helal waganogo hesike hagat haga'lagaike. Atì'nogo helal wanhì logolìk mel isike: “At Ala nen he, Naput e. Hat hobuk kwe legeinkwe, hakwe yakhagakì logouagalùk ap aike ayoko hìlìk alebagìk lakhìgìma o.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

LAKSASIKE 7:42

Atì'nogo hagatì lagaukwama re, at Ala nen apot wogisasikesik, Pogot oba mene mo mel, tugi mel, hesagal logolegat atì mel, hogoratì logonìk he, ìlùk inebe heraksasike. Atì'nogo hagasike atì, it ap Ala ane yogoisìkì lagaukwa mene nen mel isukwa hagat hagasike: Ala nen he, Hit apùnì Isirael mene yì sanì. Mo lagagìk pìgìk iko kolek, 40 tahun o leimo apùnì le'ma atoma logolìk he, wam sapi wam watìk, etumo lolhìk, ìkì lagagip atì re, an hesik hanhìk, wa'netìk, ìkì lagagip nogo? Lek o.

LAKSASIKE 13:40

Mene re, it ap Ala ane yogoisìkì lagaukwa mene amanogo nen he, mel isukwa: Hit o yogotak welagep ya ba re, an nen yì mene tì mene hagatenem, at aike nen sekek hogo yakùlhisikenem he, hit en ebarogoat ìlùk huthìgì'lek logolìk hina'la meathìkì lagep atì lakhani! An nen atì'nogo hagatenem hineileken hìlìk hogoratì logolìk he, hinebe wa'lakogoin atì, ìlùk Ala nen isikomo halal waganogo hesukwa atì hak, hit hinoba asinogo ìlùk he, wene hinasuk tùkùm hogo holhì logoino o,” ìlùk yogoisasike.

PILIPI 3:15

Halok he, nit ninetaùken wurik mene yì re, wene atì hesik hùthìkì logouok. Atì'nogo meneat he, hit hinetaùken wene welek mene oba ebetì lagep halok he, hùthoagalùk at Ala nen tùkùm hogo yogohisegeinat o.

1 YOHANET 2:27

At Karìsùt en Ala Areagùn wokhisasikomo hina'la logolìk, yì mene tì mene hesik, apeliak yakùlhisìgì'lek, eberogoat enek yakùlhisìlì'logo atì nen he, apùnì aike nen wene hit yakùlhisasak mea o. Wene at Ala nen yakùlhisìlì'logo mene atì higit hogoat hagatì logolìk, Karìsùt hinom hutik motogat logoino o.