YOHANET 6:44 - Ala Ane Wene Ket Mene Warogo Wo'ninapike Wene

⁴⁴ An nopase lakhani wagaike mene a'nogo nen, apùnì lit-lit an noba wogisek wagì'lek halok, noba wesusak mea o. We, at en it aike lit-lit wogisek waganem noba wesugun halok, o elùgùn oba, an nen inelugurinabiginat o.

YOHANET 6:44 ပူးပေါင်းရင်းမြစ်များ

YOHANET 6:65

Atì'nogo yogoisasikesik he, wene aike mel yogoisasike: “Atì'nogo ìlùk, an nen he, Apùnì Ala nen ina'la kagalhì'lek halok, an noba wesusak he, mea ìlùk, yogohisìgì atì,” ìlùk yogoisasike.

YOHANET 12:32

An nebe kweangma yoma menhanumo re, an nen apùnì obogat lit-lit wogisek nokawerek noba hisa wesigin o,” ìlùk yogoisasike.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

YOHANET 6:45

Wene atì hesik it ap Ala ane yogoisìkì lagaukwa mene amanogo nen helal waganogo hìkì logolìk mel isukwa: It apùnì obogat Ala nenat wene yakùlisegein o, ìlùk, helal waganogo hasukwa atì hagat, apùnì an nopase ane inasuk holìlùk, at en yakùlisikenem yakùlha halok, inebe lopok an noba wagaikaregat o.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

KOLOSE 2:12

At Karìsùt wa'lagaikomo ebe warek salhukwa hak, hit ima pelakhinapì logolìk, hinom hutigat salhinapukwa o. Nen, at hinom hutik warek were'ma, Ala omame ba eluguthesike, ìlùk, hinetaùken at omame ba hipìrethesigip atì nen, ima nen yegelogo lìakhinapenem he, at hinom hutigat hineluguthinapike o.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

YOHANET 8:43

Atì'nogo wagagisik, wene yogohisìkì lagì mene hit hùthìgì'lek welagep atì nahalok. Atì'nogo welagep atì re, an nane holek logousak hinabìt atì nen o.

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

YOHANET 6:43

at Yesùt en he, “Hit-hit nabok ngùlùk-habuk palhì lagep atì, palhe hùk o.