YOHANET 6:41 - Ala Ane Wene Ket Mene Warogo Wo'ninapike Wene

⁴¹ Nen, at Yesùt en atì'nogo yogoisìkì logolìk, “Sùpùrùk horoti pogot oba mene atì re, an nebeat pi wagagi o,” ìlùk yogoisasike atì nen, it ap Yahuri mene nen, at abok ngùlùk-habuk palhì logolìk,

YOHANET 6:41 ပူးပေါင်းရင်းမြစ်များ

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

LUKAT 19:7

Eperak laganem, it apùnì aike obogat en ineileken lagisìlìk, ua palogo inane ngùlùk-habuk inabok palhì logolìk he, mel isukwa: “Yesùt he, ap weak hagarì'logo mene a'nogo aua eperak nogo i lùogolùk lìlì'lùgì atì nayùk e!” ìlùk isukwa meneat he,

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 6:43

at Yesùt en he, “Hit-hit nabok ngùlùk-habuk palhì lagep atì, palhe hùk o.

YOHANET 6:48

wene aike mel yogoisasike; “Sùpùrùk inelugurinapìrek mene atì re, an nebeat o.

YOHANET 6:58

Nen, sùpùrùk pogot oba nen pi wagaike mene yì re, hit hinopalak nìkì lagaukwa mene inebe wa'laga lagaukwa atì hake re, lek meneat he, ap sa nen sùpùrùk ebe mene yì niko halok, eluk motok logogin o,” ìlùk yogoisasike.

YOHANET 6:60

At Yesùt en wene atì'nogo yogoisasikomo, it at agoromì ane wanhì lagaukwa mene amanogo aike inebe apigat wene atì inasuk holhukwasik he, mel isukwa: “Wene ike atì re, ekin api'mo, sa hak en wanigin akegep. Mea o,” ìlùk isukwa.

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

YOHANET 7:12

it apùnì apik amanogo inasuk holhukwasik he, inane sami-samok ìkì logolìk, it aike nen he, “At he, hano,” ikenem he, it aike nen he, “Lek o. At he, weak. Apùnì lalinabì'logo,” ìlùk isukwa.

1 KORÌTÙT 10:10

Nen, apùnì it mene aike nen yì anga hù anga palhì lagaukwama re, malaikat pogot oba mene inoaterek mene Ala nen lakhei wagaikomo, apùnì inebe apigat inoasike atì hak, nit ninoasinogo ìlùk, yì anga hù anga palusak motok lek o.

YURAT 1:16

It atì apùnì inabok weak palhìk, wenagisìgìk, iko motogat welagaikarek mene. Yì mene tì mene inetaùken nen nikenem, “Namolo,” akìkì logolìk he, atì meneat hagatìk, inokawerek en hogorakìkì logolìk, yì mene tì mene sabùrogo helùogolùk, it aike inane agauk hogo hogorinapìk, egarek mene.