YOHANET 6:39 - Ala Ane Wene Ket Mene Warogo Wo'ninapike Wene

³⁹ Nen, at a'la akikerek mene an nen hagasuagalùk lakhani wagaike atì re, ebe yì: At en apùnì an wo'neterek mene obogat aike pelaksìgì'legat, o elùgùn oba, an nenat inelugurinabuagalùk,

YOHANET 6:39 ပူးပေါင်းရင်းမြစ်များ

MATÌÙT 10:15

Yogotak he, an nane eberogoat yogohisak. Hobuk ninopase Ala pogot oba mene nen ùkùm inoba hìgìk, kotìk, ìgìn atì sapùl he, it apùnì o Sorom Komora mene atoma re, ùkùm inoba hìlìk weagarinabigin meneat he, se negenat o. Meneat he, it apùnì o sili hit wokhinapì'lek herakhikogoin mene atì nek he, ùkùm ekin mene inoba hìlìk motok weagariìnabigin o,” ìlùk yogoisasike.

MATÌÙT 18:14

Atì hak he, hinopase pogot oba mene a'nogo nen he. Yekerùgì magatek atì hake omakeat aike nalasi lasak he, motok abìt o, ìlùk akikerek,” ìlùk yogoisasike.

LUKAT 12:32

“Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

YOHANET 12:48

At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 17:9

“An nen sapan ìkì lagì yì re, it apùnì kweangma mene hesik ìkì lagì hùk. We, it hat hagainapùrì mene an wo'nesigin atì nen he, it hesigat sapan ìkì lagì o.

YOHANET 18:9

Atì'nogo yogoisasike atì re, oan haga'lagì'lek werek kolek alebat, at Yesùt en Ala yogotì logolìk he: “Ala nopase. Apùnì hat en wo'nesigin mene amanogo aike nalagì'lek o,” ìlùk yogosike mene a'nogo ane ebe asuagalùk atì'nogo yogoisasike atì.

YOHANET 5:28

Nen, hobuk he, apùnì obogat inoak obakwe lopok en, an nane inasuk holìlùk, ineluk asugun like werek o. It atì, aike inoabùt hano hagatì lagaukwa mene halok, ineluk motok logouagalùk menhisìgìk, nen, it aike inoabùt weak hagatì lagaukwa mene halok, ùkùm inoba heigìlùk menhisìgìk, igin ìlùk yogohisìgì atì nen, Wene atì nayùk e, ìlùk, hogoratùp o,” ìlùk yogoisasike.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 6:44

An nopase lakhani wagaike mene a'nogo nen, apùnì lit-lit an noba wogisek wagì'lek halok, noba wesusak mea o. We, at en it aike lit-lit wogisek waganem noba wesugun halok, o elùgùn oba, an nen inelugurinabiginat o.

YOHANET 6:54

Meneat he, sa nen an nebe nìkìk, namep nìkìk, ìlì'logo halok he, ineluk motok logogun mene ese arìk were'ma, o elùgùn oba an nen elugurasigin o.

ÙRÙM 8:11

At Ala nen he, Karìsùt Yesùt wa'lagaikesi'mo eluguthesikomo re, at Areagùn hina'la logolìk he, hinebe hinogat wa'lagasep mene yì hineluguthinabiginat. Atì re, at Areagùn nen Karìsùt ebe wa'lagaikesi'mo eluguthesike a'nogo hina'la welagarek atì nen hineluguthinabigin o.

1 KORÌTÙT 6:14

Ala nen he, ninoe Etagepogot wa'lagaikesi'mo nen eluguthesike hak, at omame ba, nit ninelugu'ninabiginat o.

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

YAKOBÙT 5:15

It en inetaùken Ala oba hìpìrethìlìk, sapan ugun atì ba, ninoe Etagepogot en hinoba ou mene atì se asuagalùk hano hagathinapìk, hit aike weak hagatep mene werek halok, sagalogo legetsìgìk, ìgìn o.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.