YOHANET 6:37 - Ala Ane Wene Ket Mene Warogo Wo'ninapike Wene

^37-38 Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 6:37 ပူးပေါင်းရင်းမြစ်များ

MATÌÙT 11:28

“Hit hinoba ekin-pekin hogo seget apik hagatì lagep mene atì, an nen hinoba seget nokok hogo hikamo set waloageip en, noba we'ni o.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 6:39

Nen, at a'la akikerek mene an nen hagasuagalùk lakhani wagaike atì re, ebe yì: At en apùnì an wo'neterek mene obogat aike pelaksìgì'legat, o elùgùn oba, an nenat inelugurinabuagalùk,

YOHANET 6:65

Atì'nogo yogoisasikesik he, wene aike mel yogoisasike: “Atì'nogo ìlùk, an nen he, Apùnì Ala nen ina'la kagalhì'lek halok, an noba wesusak he, mea ìlùk, yogohisìgì atì,” ìlùk yogoisasike.

YOHANET 9:34

it en he, mel yogosukwa: “Hat hoabùt weagat ta'lagagitik, weak motok hagatetek meneat he, hat en wene nit yakùlnisasak nogo? Motok mea o,” ìlùk yogosukwasik he, o sapan egarek oba nen eki lisogo legeta'ma wulaksa wagaukwa.

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

1 TIMOTÌÙT 1:16

Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì.

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.