YOHANET 6:27 - Ala Ane Wene Ket Mene Warogo Wo'ninapike Wene

²⁷ Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

YOHANET 6:27 ပူးပေါင်းရင်းမြစ်များ

KOLOSE 3:2

Hinebe wa'lagagisip he, hobuk Karìsùt hinomat hineluk logogun mene Ala nen oan sele'mathìgì'lek abùrarek werek atì nen, hina'la re, yì mene tì mene kweangma mene oba ebetì'lek logolìk he, pogot oba mene oba ebetì logoino.

YOHANET 6:54

Meneat he, sa nen an nebe nìkìk, namep nìkìk, ìlì'logo halok he, ineluk motok logogun mene ese arìk were'ma, o elùgùn oba an nen elugurasigin o.

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

MATÌÙT 6:19

Atì'nogo yogoisasikesik he, aike mel yogoisasike: “Apùnì nen yì mene tì mene kweangma yoma atogorogo hikenem he, elugeke nen palhìk, nakusi legetìk, ap ineil agasabu weak mene nen yogot wagani kìgìk, egare'ma yoma re, yì mene tì mene atì atogorogo housak lek o.

YOHANET 6:58

Nen, sùpùrùk pogot oba nen pi wagaike mene yì re, hit hinopalak nìkì lagaukwa mene inebe wa'laga lagaukwa atì hake re, lek meneat he, ap sa nen sùpùrùk ebe mene yì niko halok, eluk motok logogin o,” ìlùk yogoisasike.

2 PETERÙT 1:17

Nit o atoma were'ma, ninopase Ala nen, at Yesùt ebe hogoratìk, hai watìk, ikenem nit ninasuk holhugu. At Ala ebe esin hogorato motok welagaikarek mene a'nogo nen he, “An naput netaùken hutik mene na'la hai hakìgìrek he, ebe arìat,” ìlùk,

1 PETERÙT 1:24

Atì, Ala ane mel ìlùk helal waganek werek hak: “Apùnì obogat he, inebe e eka hakeat o. Hano ìlùk hogorinaparek atì, e eken hogoratarek atì hak hogorinaparek atì. Eka pùk agìk, eken lologo pìgìk, ikerek atì.

LUKAT 3:22

Ala Areagùn sùe pel hake ali'luk hogo ot oba labok i pi wagaike. Atì'nogo hagasikomo re, pogot oba nen ane mel isike: “Naput netawì e! Noba lìok ike o,” ìlùk isike.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

LAKSASIKE 2:22

Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

LUKAT 9:35

Atì'nogo inayùk agaukwama, at Ala ane ohena a'nogo a'la nen mel yogoisasike: “An naput weteberogo menhesìgì mene ebe arìat o. Halok, at ane holek logoino o,” ìlùk yogoisasike.

IBERANI 12:16

At Esau sùpùrùk nele nen, mel isike: “Makusa tago re, an atma, an ese asigin mene atì esin he, lek. Nagot ese asuak,” ìlùk sùpùrùk eka omakeat earek mene hesik, agot oba oko wanhike atì hak, hit aike pailak haksìgìk, ebe mene esinethìgì'lek hina'la seram hagatìk, ìkì logogùp o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

IBERANI 4:11

It alep Ala ane hologo higit hogo hagatì'lek en, set walìgì'lek atì hak, nit aike it inomanem set walìgì'lek kamo inogo ìlùk, ninomamerogo hagatì logouok o.

KOLOSE 2:22

Wene atì, apùnì nenat, yì mene tì mene nikenem lek agarek mene hesigat, “Yì'nogo hagatì logouok,” ìlùk wene palek hagat inasuk watìk, yakùlisìgìk, ìlì'lùgì atì.

1 KORÌTÙT 9:2

It apùnì aike nen an hesik ìkì logolìk he: “At Paùlùt Karìsùt en ayoko hìgì'lek o,” ìlùk iko halok he, hit he, atì'nogo usak lek. An nayoko hìlìk lakhani wagaikomo wagagì ìlùk he, hit hinebe ninoe Etagepogot hinom hutik welagep atì ba enagat hùthanusak o.

1 KORÌTÙT 6:13

It aike nen yì'nogo egaregat: “Nekarek mene atì ninalabut hesik. Nen, ninalabut atì nekarek mene hesik,” ìlùk egarek. Atì'nogo egarek meneat he, pìreat he, at Ala nen hobuk legethegein werek o. Ala nen, ninebe yì re, pailak haksìkì logouagalùk weiname'ninapike hùk. At he, ninoe Etagepogot hesigat weiname'ninapike atì. Ninebe yì esewerek he, ninoe Etagepogot werek o.

ÙRÙM 4:11

Ogat ekalìma mene atì'nogo oan pale'lek logolìk etaùken Ala oba hìpìrethesikomo re, at Ala nen he, “Ùkùm hoba mene korogo wokhìgìrìk, hapotkwe neperak hùnogo hagagì,” ìlùk yogosike. Atì'nogo hagasikomo yogosike atì, inetawì wekelogo logouagalùk, “Hogat hekalìma mene palan,” ìlùk yogosikomo palasikomo re, enagat agaike atì. Atì nen he, apùnì inogat inekalìma mene atì'nogo pale'lek logolìk, inetaùken Ala oba hìpìrethagarek mene hùgì obogat he, inopase Aberaham at o. It atì'nogo inetaùken Ala oba hìpìrethikenem he, at en he: “Hinoabùt higit hogo hagatì logou hak hinetaùken noba hìpìrethegepma, ùkùm hinoba mene korogo wokhìgìrìk hinapotkwe ninom hùnogo hikìgì atì arat o,” ìluk yogoisikeregat atì.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

YOHANET 8:18

Atì hak he, an nabok, nokawerek en ìgìk, nopase lakhani wagaike mene nen ìgìk, yogohisìkì lago atì,” ìlùk ìkì lagaikomo,

MAREKÙT 9:7

Atì'nogo ikenem he, ohena sebelinabi wagaikesik, at Ala ane ohena a'nogo a'la nen, mel yogoisasike: “An naput netaùken hutik mene ebe arìat o. Halok, at ane holek logoino o,” ìlùk yogoisasikomo re,

MAREKÙT 1:11

Eileken hasikomo re, Ala ane pogot oba nen mel isike: “Hat hebe an naput netaùken hutik mene. Hat hesik na'la hai hakìgìrek o,” ìlùk ane pelakhei wagaike.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

MATÌÙT 3:17

Labok i pi wagaikomo re, Ala ane pogot oba nen, “Naput netawì e. Noba lìok ike o,” ìlùk ane pelakhei wagaike.

2 KORÌTÙT 4:18

Nit he, yì mene tì mene nineileken hogorek mene atì lek asigin meneat he, nineileken hogorek lek mene atì esok motok logogin atì nen he, nineileken hogorek mene atì hesik ninot somarogo hagatì'lek, we, nineileken hogorek lek mene atì hesik ninot somarogo hagatì lago o.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

YOHANET 6:53

at Yesùt en he, “An nen wene aike yogohisak. An abat ta'lasi wagagi a'nogo nebe nìkìk, namep nìkìk, ìkì lagep lek halok, ineluk motok welagaikarek mene, hit esewerek agì'lek welagep o, ìlùk eberogoat yogohisìgì.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.