YOHANET 6:24 - Ala Ane Wene Ket Mene Warogo Wo'ninapike Wene

²⁴ Ineileken hasukwasik ina'la nen akìkì logolìk he, “Yesùt ebe mel, agoromì ane wìlì'lùgì meme mel, inebe yoma lek yoma,” ìlùk, so a'la kìlìk, Yesùt ebe herarìk, o Kaperenagùm wùlìbi wagaukwa.

YOHANET 6:24 ပူးပေါင်းရင်းမြစ်များ

MAREKÙT 1:37

Herarìk laga lagaukwasik, ebe were'ma herasukwasik, mel isukwa: “Apùnì obogat en, herakhabì'lùgì o,” ìlùk yogosukwa.

YOHANET 20:15

Hùthìgì'lek were'ma, at Yesùt en he, mel yogosike: “He yì nerei e. Hat nenahalok le aga lagen. Nen, hat sa heratì lagen,” ìlùk yogosikomo, at a'la nen he, “Ap yì yabu serogo welagarek mene hìgì,” ìlùk akasike. Atì'nogo akasikesik he, mel yogosike: “Noe. At ebe warek hat wanhetik wolok wele'ma hei lagenma halok he, ebe o koma hei lagenma. An wani lak en he, yogonom o,” ìlùk yogosikomo,

YOHANET 7:11

Atoma pisikesik werek kolek, it ap kaintek Yahuri mene pesta hagatenem logolìk Yesùt ebe herasuogolùk hinok wanhì logolìk he, “At ebe koma werek,” ìlùk isukwama,

YOHANET 6:59

Wene Yesùt en atì'nogo yogoisasike atì re, at ebe o Kaperenagùm o sapan egarek oba wene yakùlisìkì logolìkyogoisasike.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

LUKAT 8:40

At Yesùt ebe i aik ìlì bakwe nen apotkwe wùlìbi wagaikomo re, it apùnì inebe apigat en, at ebe serogo welagaukwasi'mo nogo nen he, hai warogo wanhukwa.

MAREKÙT 6:53

Atì'nogo haga'lùk, at Yesùt lak o Kenesaret, i yekelek a'nogo aik yì bakwe wùlìbi wagaukwasik he, i so a'nogo e telogo hele homagasogo hesukwa.

MATÌÙT 14:34

Atì'nogo haga'lùk, so warogo wùlìbi waga lagaukwasik he, o Kenesaret atem higit asi wagaukwa.

YOHANET 6:26

at en he, mel yogoisasike: “An wene aike yogohisak. An nebe hùthanuageip ìlùk elalinat hagatenem hineileken neegep a'nogo nen hera'nabìk wagep hùk. Lek o. We, sùpùrùk horoti mene sùpùrogo wokhisìgìma hinalabut ning hogo nekep a'nogo nenat hera'nabìk wagep hisìgì o, ìlùk oberogoat yogohisìgì.