YOHANET 6:2 - Ala Ane Wene Ket Mene Warogo Wo'ninapike Wene

² I aik ìlì bakwe wùlùpenem he, alebat apùnì inoba ou mene elalinat hagarinapenem ineileken hasukwasi'mo nogo nen he, apùnì inebe apigat esa logolhìlùk, at opolik lagaukwa.

YOHANET 6:2 ပူးပေါင်းရင်းမြစ်များ

MATÌÙT 12:15

Weim abok atì'nogo ikenem, at Yesùt en inoabùt enagat hùrisìlìk he, o atoma nen laganem apùnì inebe apik, at opolik lagaukwa. Lagaukwama re, ou weak mene obogat hagarinapikesik he,

MATÌÙT 13:2

apùnì apik esa logolegat Yesùt oba wagaukwama re, it inebe i esakoma metek werek kolek hisalùk he, at ebe i so ba hù'lasi kisike.

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

MATÌÙT 8:1

At Yesùt tom oba nen pi wagaikomo re, apùnì apik esa logolegat at opolik lagaukwa.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MAREKÙT 6:33

Laganem he, lt apùnì logolegat ineileken lagisìlìk he: “It a'nogo atì hìgì,” ìlùk hùtsasukwa. Hùtsìlìk he, it inawì sili lopok obogat en i aik obakwe humusegat alebagìk inelokoma atogosi lagaukwasik were'ma, it Yesùt lak amanogo hobuk lagaukwa.

YOHANET 11:47

Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa: “At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep.

YOHANET 12:18

“At Yesùt ebe hùthoagalùk elalin mene atì'nogo hagate,” ìlùk isukwama apùnì inebe apik inasuk holhukwasi'mo nogo nen he, Yesùt elokoma wùlìbi wagaukwa atì.

YOHANET 12:37

At Yesùt ebe it en hùthoagalùk ineilhanem elalinat apigat hagatì lagaike meneat he, it en, At eberogoat ìlùk, ebe hùthìkì lagaukwa motok lek.

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 20:30

At Yesùt en it agoromì ane wanhì lagaukwa mene nen at ebe hùthoagalùk ineilhanem elalin hagatì lagaike mene he'nakìt apigat hagasike meneat he, buku yì ba helal wanhì'lek.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 6:14

Atì'nogo kalogo hesukwama, at Yesùt en ebe hùthoagalùk elalinat hagasike mene atì, it apùnì ineileken hasukwasi'mo nogo nen be, mel isukwa: “Ap aike nen Ala ane kweangma yogonisa wesigin isukwa a'nogo eberogoat he, ebe yìat o,” ìlùk isukwa.

YOHANET 6:22

Wagaukwasik oba nen, ohealekokwe re, it apùnì apik i aik ìlì bakwe hisalùk wagaukwa mene amanogo ina'la nen he, “Eige. O himagane so omakeat enek welaga meneat he, at Yesùt ebe inom lek. We, at agoromì ane wìlì'lùgì mene nek so warogo wùlùpenem nineileken isogo,” ìlùk akasukwa. Atì'nogo so ebe lek halogat isukwa meneat he,

YOHANET 6:26

at en he, mel yogoisasike: “An wene aike yogohisak. An nebe hùthanuageip ìlùk elalinat hagatenem hineileken neegep a'nogo nen hera'nabìk wagep hùk. Lek o. We, sùpùrùk horoti mene sùpùrogo wokhisìgìma hinalabut ning hogo nekep a'nogo nenat hera'nabìk wagep hisìgì o, ìlùk oberogoat yogohisìgì.

YOHANET 6:30

it en he, mel yogosukwa: “Hebe hùthagùagalùk, elalin mene aike hagatenem nineileken hììlìk, ninetaùken hoba hìpìrethùgùkwe re, ebe kì mene hagasigin. Aike nìkì'nogo hagasigin.