YOHANET 5:41 - Ala Ane Wene Ket Mene Warogo Wo'ninapike Wene

⁴¹ “Atì'nogo hagatesep meneat he, an enek he, apùnì nen hogo'nabuagalùk hagatìrek lek.

YOHANET 5:41 ပူးပေါင်းရင်းမြစ်များ

YOHANET 12:43

It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.

YOHANET 5:34

An nebe hùthanuagalùk apùnì nen nabok pìlìngìrogo yogoisagarek atì walok en yogohisìkì lagì hùk. We, Ala nen hit telninabuagalùk yogohisìkì lagì o.

YOHANET 5:40

hinebe hineluguthinabuagalùk an noba wesusak he, hinabìt o.

YOHANET 5:42

Hit enek he, Ala hinetawìrogo welagasep motok lek atì, an hinoabùt nelu o.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

YOHANET 6:15

Atì'nogo isukwama, at Yesùt a'la nen he, “It atì wìrìk, an it inoe kain logouagalùk inane keirogo menhanugun hìgì,” ìlùk inoabùt enagat palhikesik he, o atoma hebisalùk punu ba aligat lagasike.

YOHANET 7:18

Halok he, sa nen wene okawerek a'la nen kagalogo ikerek atì, apùnì nen hogorasuagalùk ikerek o. Meneat he, sa nen, at lakhei wagaike mene hogorasuagalùk ikerek halok he, apeliak ikerek motok lek o. We, eberogoat ikerek.

YOHANET 8:50

Mene re, an nokawerek hesik hogo'nabuagalùk hagatìrek hùk. Lek o. At he, an hogo'nabuagalùk, at aike nen ùkùm inoba hìgìk, kotìk, igin mene wank o.

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

1 TESALONIKA 2:6

Hit en nit hogo'ninapìk, it aike nen hogo'ninapìk, apùnì mene nen atì'nogo hogo'ninabuagalùk ìkì lago lek o. We, at Karìsùt en ninayoko hìlìk lakhina wagaikomo wenewule logolìk ninane ning hogo yogohisasak higit welago.

1 PETERÙT 2:21

At Karìsùt ebe hit hesik yì aik tì aik hìlìk hìlìk wa'lagaike atì nen, hit hogo re, at oabùt waganogo yì aik tì aik hoagalùgat Ala nen hinayoko hesike atì.

2 PETERÙT 1:17

Nit o atoma were'ma, ninopase Ala nen, at Yesùt ebe hogoratìk, hai watìk, ikenem nit ninasuk holhugu. At Ala ebe esin hogorato motok welagaikarek mene a'nogo nen he, “An naput netaùken hutik mene na'la hai hakìgìrek he, ebe arìat,” ìlùk,