YOHANET 5:39 - Ala Ane Wene Ket Mene Warogo Wo'ninapike Wene

³⁹ Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

YOHANET 5:39 ပူးပေါင်းရင်းမြစ်များ

MATÌÙT 22:29

at Yesùt en he, mel yogoisasike: “Hit he, Ala ane helal waganek atì mel, Ala omame atì mel, hinokot logolìk, hinane kolo egep atì.

MAREKÙT 10:3

Hinok atì'nogo wanhukwama, at Yesùt en he, mel yogoisasike: “At Musa nen he, wene nìkì'nogo hinasuk wasike nogo,” ìlùk isikomo,

MAREKÙT 12:10

Hit en Ala ane helal yì'nogo waganogo hesukwama etage salhì'lek welagep nogo? It en he: It ap tukang o helep mene wùtarek mene nen he, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o.

LUKAT 16:29

at en he, mel yogosike: It atì Musa wene atì inom, ap Ala ane yogoisìkì lagaukwa mene amanogo inane atì inom, hesogo weregat o. Halok, wene atìat holhì logousak o, ìlùk yogosikomo,

LUKAT 16:31

at Aberaham en he, mel yogosike: It hoe hagot atoma Musa wene inom, it ap Ala ane yogoisìkì lagaukwa mene inane atì inom, inasuk holhì'lek halok he, ap aike wa'la'lùk lagaikare'ma nen eluk a'lùk yogoisa lamo, it atì ina'la nen he, eberogoat akìlìk inasuk holusak meaat o, ìlùk yogosike,” ìlùk Yesùt en yogoisasike.

LUKAT 24:25

Atì'nogo yogosukwama, at Yesùt en he, “Eige! Hinebe kepù a? Ap Ala ane yogoisìkì lagaukwa mene amanogo nen wene obogat yogoisìkì lagaukwa a'nogo eberogoat ìlùk hit hepok hùthahùk welagep yì rì!

LUKAT 24:27

Atì'nogo yogoisasikesik he, at okawerek hesik Musa nen helal wanhike amanogo hùlì nen pìkìt he, it ap Ala ane yogoisìkì lagaukwa mene nen helal wanhukwa amanogo, obogat tùkùm hogo pìlìngìrogo yogoisasike.

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,

YOHANET 5:32

Atì'nogo meneat he, an nebe hùthanuagalùk, nopaso nen nabok pìlìngìrogo yogohisìlì'logo atì, eberogoat yogohisìlì'logo ìlùk, an nelu o.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 5:40

hinebe hineluguthinabuagalùk an noba wesusak he, hinabìt o.

YOHANET 5:46

An nabok hinelu asuagalùk, at Musa nen helal waganogo hesike atì nen he, at en helal wanhìke mene atì eberogoat ìlùk hùthìkì logoilepma re, Yesùt eberogoat, ìlùk hùthanilebat o.

YOHANET 7:52

it en at mel yogosukwa: “Hat hogo re, haua o Kalilea mene nogo? Ap Ala ane yogoisagarek mene aike o Kalilea nen wesigin ìlùk Ala ane ba helal waganek aike were'ma heileken hegein motok lek a'naga re, heileken hanorogo hìthìkì logoino,” ìlùk yogosukwa. [

LAKSASIKE 13:27

Wene lakhei waga mene atì, it apùnì o Yerusalem mene inogogì kaintek inom enat he, Yesùt ebe hùthìgì'lek. Hùthìgì'lek logolìk, hageat en it ap Ala ane yogoisìkì lagaukwa mene amanogo nen wene halal waganogo hesukwa mene were'ma, sapan ninhùp-nanhùp ìkì logolìk etage salhenem inasuk holharek meneat he, wene ebe hùthìgì'lek. Atì'nogo hùthìgì'lek logolìk, Yesùt ùkùm oba hìlìk ebe wasukwa atì ba, wene hageat isukwa mene atì ebe agaike atì.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LAKSASIKE 26:27

Agarìpa noe. Wene it ap Ala ane yogoisìkì lagaukwa mene nen isukwa atì, eberogoat ìlùk akìkì lagen lek nogo? Eberogoat ìlùk akìkì lagenat o. An nelu,” ìlùk yogosike.

ÙRÙM 1:2

Alebat Ala nen: “Wene hano wene atì, hobuk weinam asigin o,” ìlùk abok it ap at ane yogoisìkì lagaukwa mene amanogo yogoisikenem, it en Ala ane palek a'nogo ba helal waganogo hìkì lagaukwa.

ÙRÙM 3:2

Atì re, yì hesik tì hesik obogat hano nek. Wene atì ebe sekek hogo yogohisak. Aike re, Ala nen he, “An nane it elok hesogo logogun,” ìlùk, irat yogoisìkì lagaike.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

IBERANI 11:16

We, it ebetì lagaukwa atì re, inawì ebe hano motok pogot oba mene hesik walok akìkì lagaukwa ati nen he, Ala nen it hesik inawì arat tegelogo hisasikesi'mo nogo nen, at en he, “An it inopase,” ìlùk, ekalì legat ikerek atì.

IBERANI 11:35

it hìmì aike ineagwì warek mene hobuk inelugurinapenem woginapìk, hagarìk waga lagaukwa. Atì'nogo hagarìk wago kolek, it aike re, inebe hobuk hano logogun mene Ala nen inelugurinabuak en, apùnì aike nen inebe wiik-weak hogo hagarinapo kolek, inogat elele helìgì'lek welagaukwa.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.