YOHANET 5:37 - Ala Ane Wene Ket Mene Warogo Wo'ninapike Wene

³⁷ An nebe hùthanuagalùk, nopase nen lakhani wagaike mene atì nen, nabok pak hogoat yogohisasike meneat he, hit en nopase ane hinasuk holhì'legat, elokoken hineileken hìgì'legat logolìk he,

YOHANET 5:37 ပူးပေါင်းရင်းမြစ်များ

YOHANET 8:18

Atì hak he, an nabok, nokawerek en ìgìk, nopase lakhani wagaike mene nen ìgìk, yogohisìkì lago atì,” ìlùk ìkì lagaikomo,

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

MATÌÙT 3:17

Labok i pi wagaikomo re, Ala ane pogot oba nen, “Naput netawì e. Noba lìok ike o,” ìlùk ane pelakhei wagaike.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

YOHANET 14:9

at Yesùt en he, mel yogosike: “Pilipùt nagot e. An o hageat a'loma nenat ninom welago meneat he, hat en an nebe hùthanì'lek welagenma hìgì, ì a? At sa nen an eileken niike atì re, an nopaseat eileken hike o. Atì'nogo meneat he, hat en, Hopase atì yakùlnisan o, ìlùk egen atì nìkì'nogo nen egen.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

MAREKÙT 1:11

Eileken hasikomo re, Ala ane pogot oba nen mel isike: “Hat hebe an naput netaùken hutik mene. Hat hesik na'la hai hakìgìrek o,” ìlùk ane pelakhei wagaike.

LUKAT 3:22

Ala Areagùn sùe pel hake ali'luk hogo ot oba labok i pi wagaike. Atì'nogo hagasikomo re, pogot oba nen ane mel isike: “Naput netawì e! Noba lìok ike o,” ìlùk isike.

LUKAT 24:27

Atì'nogo yogoisasikesik he, at okawerek hesik Musa nen helal wanhike amanogo hùlì nen pìkìt he, it ap Ala ane yogoisìkì lagaukwa mene nen helal wanhukwa amanogo, obogat tùkùm hogo pìlìngìrogo yogoisasike.

YOHANET 5:32

Atì'nogo meneat he, an nebe hùthanuagalùk, nopaso nen nabok pìlìngìrogo yogohisìlì'logo atì, eberogoat yogohisìlì'logo ìlùk, an nelu o.

1 YOHANET 5:9

Wene apùnì nen hukalogo yogonisikenem, “Eberogoat,” ìlùk huthogorek atì mea. Atì'nogo meneat he, at Ala ebe aput abok pak hogo yogonisasike atì nek he “Motok eberogoat,” ìlùk hùthasagat o.