YOHANET 5:36 - Ala Ane Wene Ket Mene Warogo Wo'ninapike Wene

³⁶ an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 5:36 ပူးပေါင်းရင်းမြစ်များ

MATÌÙT 11:4

at Yosut en he, mel yogoisasike: “Hit he, an yì'nogo tì'nogo hagatenem hineileken nììgìk, wene ikenem hinasuk holhìk, egep mene atì, at Yohanet sekek hogo yogosi lano o.

LUKAT 2:49

at Yesùt en he: “Hit an hera'nabìk nìkì lagep nahalok. An nopase awì wùrì'mo logousak ìlùk hinokot nogo?” ìlùk yogoisasike meneat he,

YOHANET 10:25

at Yesùt en he, mel yogoisasike: “An arat yogohisìkì lagì meneat he, hit en eberogoat ìlùk akìkì lagep lek o. An nopase nen nayoko hesikomo hagatì lagì atì, an nabok pak hogo yogohisa hagat hagatì lagì meneat he,

YOHANET 11:37

Atì'nogo isukwa meneat he, it apùnì amanogo mene he'nakìt en he, mel isukwa: “At en ap aike eileken mùm mene hano hagate atì hak, Lasarùt eluk logouagalùk haga'lepma re, wa'la'lep akegep? Wa'la'lep legat o,” ìlùk isukwa.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 17:4

An nen kweangma yì mene tì mene hagasuagalùk menhanhigin a'nogo yabu ebe arat hagatì lagarìk katok hogo hagatì atì ba nen esinethagagì o.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

YOHANET 5:32

Atì'nogo meneat he, an nebe hùthanuagalùk, nopaso nen nabok pìlìngìrogo yogohisìlì'logo atì, eberogoat yogohisìlì'logo ìlùk, an nelu o.

LAKSASIKE 2:22

Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

1 YOHANET 5:9

Wene apùnì nen hukalogo yogonisikenem, “Eberogoat,” ìlùk huthogorek atì mea. Atì'nogo meneat he, at Ala ebe aput abok pak hogo yogonisasike atì nek he “Motok eberogoat,” ìlùk hùthasagat o.