YOHANET 5:27 - Ala Ane Wene Ket Mene Warogo Wo'ninapike Wene

²⁷ An nebe abat ta'lasi wagagi atì nen, apùnì oak tegelogo ùkùm inoba higik, kotìk, uagalùk, nopase nen anat neki ba hanhike o.

YOHANET 5:27 ပူးပေါင်းရင်းမြစ်များ

LAKSASIKE 10:42

Atì'nogo logolìk he, nit en apùnì wene yogoisìlìk laga logolìk he, Apùnì obogat, wa'lagaukwa mene mel, ineluk werek mene mel, ùkùm inoba hìgìk, kotìk, uagalùk, Ala nen Yesùt at menhesike, ìlùk, tùkùm hogo yogoisìlìk laga logouagalùk ninayoko hesike.

YOHANET 5:22

Apùnì obogat en an nopase hogoratarek atì hak, an aput atì'nogoat hogo'napì logouagalùk, at en apùnì oak tegelogo ùkùm inoba hìgìk, kotìk, ikerek lek. We, aput an nenat oak tegelogo ùkùm inoba hìgìk, kotìk, uagalùk, neki ba hesiko o. Halok he, it apùnì aike nen an hogo'nabì'lùgì lek halok he, an nopase lakhani wagaike mane atì, hogorarì'lùgì legat o,” ìlùk, yogoisasikesik wene hobuk aike mel yogoisasike:

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

1 KORÌTÙT 15:25

Atì'nogo hegein atì, at Ala nen Karìsùt aselei mene obogat esok en al lebelogo hisoak en awe a'ma hisa wesigin atì oan werek kolek, at Karìsùt ebe kainat motok logogin.

MATÌÙT 9:6

Ekin meneat he, an abat ta'lasi wagagi atì, kweangma yoma logolìk apùnì yì weak tì weak hagatarek mene an nenat sagalogo legetsìkì logouagalùk Ala nen esewerek hanhike atì hùthanuageip,” ìlùk he, ap eki esok wùt warek mene a'nogo mel yogosike: “Hebe melarìk he, halit talogo nogo ìkì lagen mene arì helaluk haua lan o,” ìlùk lakhesike.

YOHANET 9:39

Ati'nogo hogorasikomo, at Yesùt en he, mel yogosike: “An nen apùnì aike ineileken mùm mene hùgì hanorinapìk, it aike ineileken hano mene hùgì mùmerinapìk, ìkì logoigìlùk nebe kweangma yoma pi wagagi o,” ìlùk ikenem,

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.