YOHANET 5:18 - Ala Ane Wene Ket Mene Warogo Wo'ninapike Wene

¹⁸ it ap kaintek Yahuri mene amanogo nen ineki sabìt oba Ala heaik welegat logolìk, Yesùt en ou hagasusak lek mene hagasike atì ba net ebe wasuogolùk isukwa hùk. At he, at en, “An nebe Ala neperak higit,” u hak he, “An nopase ebe Ala at o,” ìlùk, isike atì nen, ebe wasuogolùk ebenageik weim abok isukwa.

YOHANET 5:18 ပူးပေါင်းရင်းမြစ်များ

MATÌÙT 12:5

Nen, nineki sabìt oba Ala hesik welegat logolìk yì mene tì mene hagatì'lek welegat logousak meneat he, it ap Ala esewerek mene nek, Ala awì wùrì'mo kìlìk, it hagasusak mene hagatenem ùkùm inoba hagarek lek, ìlùk Ala ane helal waganek werek a'nogo etage salhì'lek welagep nogo?

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 10:33

it en he, mel yogosukwa: “Hat hano hagatì lagen atì ba helep oba hoasuogolùk ìkì lago hùk. We, hat hebe apùnì meneat he, Ala etage weagarogo, mel ìkì lagen: An Ala neperak higit, ìlùk ìkì lagen atì nenat hoasuogolùk ìkì lago o,” ìlùk yogotì lagaukwama,

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 14:9

at Yesùt en he, mel yogosike: “Pilipùt nagot e. An o hageat a'loma nenat ninom welago meneat he, hat en an nebe hùthanì'lek welagenma hìgì, ì a? At sa nen an eileken niike atì re, an nopaseat eileken hike o. Atì'nogo meneat he, hat en, Hopase atì yakùlnisan o, ìlùk egen atì nìkì'nogo nen egen.

YOHANET 19:7

it ap Yahuri mene amanogo nen he, mel yogosukwa: “At en ìkì logolìk, An nebe Ala aput, isike atì nen, wene Ala nen ninasuk wasike wene, nit en hagatorek atì higit hogo, at ebe wasusak elogat o. Halok he, wasusak akìkì lago,” ìlùk yogosukwa.

YOHANET 5:15

Atì'nogo yogosikomo, at ap a'nogo it ap kaintek Yahuri mene inoba lagaikesik he, mel yogoisasike: “Ap an ou haga'nape ìgi a'nogo re, Yesùt enat haga'napomo o,” ìlùk yogoisasike.

YOHANET 5:16

Atì'nogo yogoisasikomo re, it apùnì Yahuri mene ineki sabìt oba Ala hesik welegat werek kolek, Yesùt en ap a'nogo ou hano hagasike atì nen, at Yesùt ebe weagathouogolùk isukwa.

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

YOHANET 7:1

Wene atì'nogo arat yogoisalùk he, it ap kaintek Yahuri mene nen, Yesùt ebe wasuogolùk weim abok ìkì lagaukwa atì nen he, at ebe o Yurea pìlìk nìkì logou abìt en he, a Kalilea tokwe atoma nìkì lagaike.

YOHANET 7:19

Nen, wene Ala nen ninasuk wasike wene atì, Musa nen helal waganogo wokhisasike lek nogo? At enat wokhisasike akìgì. Meneat he, ap hit mene aike nen, wene atì higit hogo hagatì'lek logolìk an noasuogolùk weim abok ìkì lagep atì nenahalok,” ìlùk yogoisasikomo,

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.

PILIPI 2:6

At ebe re, Ala meneat logolìk, a'la nen he, “An Ala neperak higit hogo welagì yì, yì hagat motok logogin,” ìlùk akìgì'lek,

ABÌKAKAN 22:1

Atì'nogo yakùlnetomo hìgìrìk oba nen opolik he, Ala ho, Topa Eak ho, eperak kain welagaikarek inobùlùk oba nen, i inelugurinaperek mene elokoken muliak hano inapùnak hake mene elesi wùlogo re,

ABÌKAKAN 22:3

Nen, emakum Ala nen apùnì mel, yì mene tì mene mel, homan hisasike mene a'nogo nokolhìlì'mo nogo men he, hobuk o atì oba homan nokolek welaga hìgì. Ala ho, Topa Eak ho, eperak kain welagaikarek inobùlùk a'nogo, o kota atoma tùlem werek kolek, it apùnì Ala atitigeke mene inetaùken at oba hìpìrìk logolìk, at hesik hagato logogun isìgì.