YOHANET 5:16 - Ala Ane Wene Ket Mene Warogo Wo'ninapike Wene

¹⁶ Atì'nogo yogoisasikomo re, it apùnì Yahuri mene ineki sabìt oba Ala hesik welegat werek kolek, Yesùt en ap a'nogo ou hano hagasike atì nen, at Yesùt ebe weagathouogolùk isukwa.

YOHANET 5:16 ပူးပေါင်းရင်းမြစ်များ

MATÌÙT 12:13

Atì'nogo yogoisasikesik he, ap a'nogo mel yogosike: “Heki kothan,” ìlùk yogosikomo, eki a'nogo kothikenem he, eki o'moko eperak higirat hano motok agaike.

MAREKÙT 3:6

Eki atì'nogo hagasikomo re, it ap Parisi mene amanogo wùlùpukwasik hepogat Herotet agoromì inoba lìlìk he: “Yesùt ki'nogo wasuok,” ìlùk inom weim abok isukwa.

LUKAT 6:11

Atì'nogo hagasikomo, it ap Ala ane helal waganek esewerek mene amanogo mel, it Parisi mene amanogo mel, ina'mage apik lagalìk he, “At Yesùt nìkì'nogo hagasuok he,” ìlùk, it-it abok palhì lagaukwa.

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 10:39

it en he, at Yesùt ebe hakhouogolùk isukwa meneat he, ineki habaregeke wo'lakasike.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

YOHANET 5:10

Atì'nogo welegat werek kolek hagasikomo laganem he, it ap kaintek Yahuri mane nen ineileken hasukwasik he, ap ou kerat se agaike mane a'nogo mel yogosukwa: “Nagot yì. O yogotak he, nineki sabìt oba Ala hesik welegat logolìk, hat lit wolok lasak lek mene wolok laga lagen,” ìlùk, yogosukwama,

YOHANET 5:13

at Yesat apùnì inebe apik welagaukwa mene amanogo ina'la nalagaikamo re, ap oba ou hano hagasike mene a'nogo nen he, “Sa nen haga'napesik yogonete heat,” ìlùk oake palagaikeeik welagaike.

YOHANET 5:15

Atì'nogo yogosikomo, at ap a'nogo it ap kaintek Yahuri mene inoba lagaikesik he, mel yogoisasike: “Ap an ou haga'nape ìgi a'nogo re, Yesùt enat haga'napomo o,” ìlùk yogoisasike.

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

YOHANET 5:18

it ap kaintek Yahuri mene amanogo nen ineki sabìt oba Ala heaik welegat logolìk, Yesùt en ou hagasusak lek mene hagasike atì ba net ebe wasuogolùk isukwa hùk. At he, at en, “An nebe Ala neperak higit,” u hak he, “An nopase ebe Ala at o,” ìlùk, isike atì nen, ebe wasuogolùk ebenageik weim abok isukwa.

YOHANET 7:21

at Yesùt en mel yogoisasike: “An nen he, nineki sabìt oba Ala hesik welegat logolìk elalinat omake hesik hagatì mene re, hit obogat en he, Egi! ìlùk hinayùk aga atì.

YOHANET 7:25

At Yesùt en wene atì'nogo yogoisiko were'ma, it apùnì o Yerusalem mene inebe heta nen mel ìkì lagaukwa: “Ap wasuogolùk aweim kabelì'lùgì a'nogo, ebe arì lek nogo? Ebe arìat o.