YOHANET 4:39 - Ala Ane Wene Ket Mene Warogo Wo'ninapike Wene

³⁹ Nen, at he a'nogo ouma kisikesik, wene mel yogoisasike: “At ap atì nen, an yì hagatìk, tì hagatìk, hagatì lagì mene obogat pak hogo motok yogonete,” ìlùk yogoisìlìk nìkì lagaike atì ba, apùnì o Samaria mene atoma inebe apigat inetaùken Yesùt oba hìpìrethesukwa.

YOHANET 4:39 ပူးပေါင်းရင်းမြစ်များ

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

YOHANET 4:5

Lagai waga logolìk, o Samaria o kota aike etage Sikat horok hogo kuogolùk, kweang aike ap Yakùb en alebat aput Yùsùp wogosike ba atoma lagai wagaike.

YOHANET 11:45

Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

MATÌÙT 10:5

At Yesùt en it ap inebe 12 nen atì sùpùrogo laksagalùk he, inasuk yì'nogo wasike: “It apùnì etakwe mene inauakwe lagùp o. Nen, it apùnì o Samarìa mene inauakwe lìlìk kùgùbat o.

YOHANET 4:30

Atì'nogo yogoisìlìk lagaikomo, it apùnì amanogo o kota atoma hebùlùk wùlìbi wagaukwasik he, Yesùt ebe ha wesuogolùk wagaukwa.

YOHANET 4:38

It aike nen yabu seget apik hogo hagata mene, hit en seget legat eken paluageip ìlùk hinayoko hìlìk lakhikìgì atì. It en seget hìlìk ebe weinamethaga mene, hit en eken palhì logouageip ìlùk lakhikìgì o,” ìlùk, yogoisasike.

YOHANET 4:40

Atì'nogo hìpìrethesukwasik en, hobuk Yesùt oba wùlìbi wagaukwasik, mel yogosukwa: “Hat ninom yoma logouok o,” ìlùk hakhesukwama, inom atoma ineki pìre welagaukwa.

YOHANET 1:37

agoromì inebe pìre aremnogo at ane yogoisasike mene inasuk holhukwasik he, Yesùt opolik lagaukwa.