YOHANET 4:34 - Ala Ane Wene Ket Mene Warogo Wo'ninapike Wene

³⁴ Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

YOHANET 4:34 ပူးပေါင်းရင်းမြစ်များ

YOHANET 5:30

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.

YOHANET 17:4

An nen kweangma yì mene tì mene hagasuagalùk menhanhigin a'nogo yabu ebe arat hagatì lagarìk katok hogo hagatì atì ba nen esinethagagì o.

YOHANET 19:30

Atì'nogo wogosukwama, etuk mìkhasikesik he, mel isike: “Arat hagatì o!” ìlùk, ot soma isikesik he, ebe arat wa'lagaike.

MATÌÙT 26:39

at alepma negen horogat lìlìk elokwe sogoum weinarìk he, Ala ayoko hìkì logolìk, mel yogosike: “Nopase! An weaga'nabugun atì telnabusak halok he, telnabino,” ìlùk u hak, “Amusu hinago noagalùk wo'nesugun atì, wokhasak halok he, wokhano. Nen, lek halok he, an na'la akìgì mene atì lek o. We, hat ha'la akegen mene atìat haga'nabino o,” ìlùk sapan isike.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 4:32

Atì'nogo yogosukwa meneat he, at en mel yogoisasike: “Sùpùrùk an mene werek meneat he, ebe kì mene he, hit hinokot o,” ìlùk yogoisasikomo,

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LAKSASIKE 20:35

Wene ninoe Etagepogot Yesùt okawerek en mel yogonisasike atì: It apùnì aike nen wokhisikenem helìlìk hina'la hai hakasak mea o. We, at he, hit hinokawerek en it aike wogisìkì logolìk hina'la hai hakasak o, ìlùk yogonisasike atì nina'la eberek logolìk he, an men it aike inomame lek mene leberisìkì lagì atì, hit en hùthanìlìk an noabùt waganogo hineki omamerogo leberisìkì logouageip ìlùk yakùlogo hagatì lagì atì,” ìlùk yogoisasike.

MATÌÙT 3:15

Yogosikomo re, at Yesùt en he, “An pela'nabusagat o. At Ala nenat yì hesik tì hesik atì'nogo hagasuagalùk akikerek higit hogoat haga'nabusak o,” ìlùk isikomo re, “Ì o,” ìlùk

LUKAT 2:49

at Yesùt en he: “Hit an hera'nabìk nìkì lagep nahalok. An nopase awì wùrì'mo logousak ìlùk hinokot nogo?” ìlùk yogoisasike meneat he,

YOHANET 8:29

At lakhani wagaike mene a'nogo, oba lìok ikerek mene nek hagatìrek atì nen he, at en an nebe kopologo herakhanhì'lek neperak hutik motok welagorek o,” ìlùk yogoisasike.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.

MATÌÙT 9:19

Atì'nogo yogosikomo re, at Yesùt ebe mel, ap a'nogo mel, it ap Yesùt ane wanhì lagaukwa mene amanogo mel, inom obogat lagaukwa.