Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANET 4:29 - Ala Ane Wene Ket Mene Warogo Wo'ninapike Wene

29 “Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

အခန်းကိုကြည့်ပါ။ ကော်ပီ




YOHANET 4:29
12 ပူးပေါင်းရင်းမြစ်များ  

Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.


Atì'nogo yogosikomo, at he a'nogo nen he, mel yogosike: “Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike.


Atì'nogo kamo isukwasik werek kolek, at he a'nogo ageisoak atoma heraksalùk he, humusek o kota kisikesik apùnì atoma mene wene mel ìlùk yogoisìlìk nìkì lagaike:


Atì'nogo yogoisìlìk lagaikomo, it apùnì amanogo o kota atoma hebùlùk wùlìbi wagaukwasik he, Yesùt ebe ha wesuogolùk wagaukwa.


Nen, at he a'nogo ouma kisikesik, wene mel yogoisasike: “At ap atì nen, an yì hagatìk, tì hagatìk, hagatì lagì mene obogat pak hogo motok yogonete,” ìlùk yogoisìlìk nìkì lagaike atì ba, apùnì o Samaria mene atoma inebe apigat inetaùken Yesùt oba hìpìrethesukwa.


Meneat he, ebe lakhani! Nayùk e. Ayù'legat logolìk, wene yogonisikenem, it en wene oko yogotì'legat kamo ìlì'lùgì yì. It ap ninogogì kaintek yoma ina'la nen he, Ap yì nit apùnì telninabuagalùk Ala nen lakhei wesigin, ìlùk isike a'nogo ebe arìat, ìlùk ina'la akagasik en ìlì'lùgì he a.


It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.


Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ