YOHANET 4:12 - Ala Ane Wene Ket Mene Warogo Wo'ninapike Wene

¹² I yì nit ninopa kain Yakùp en habulhikesik, at ebe mel, againapùrì mel, ako mel, nìkì lagaukwasik en, nit hobuk nìkì logouagalùk wo'nisasike mene atì, hat ha'la nen he, At ebe mea negen. Nen, an enek he, nebe kain, ìlùk akalùk en egen a?” ìlùk yogosike.

YOHANET 4:12 ပူးပေါင်းရင်းမြစ်များ

IBERANI 3:3

It apùnì aike nen o wùrìk mene hamùlùgat negen hogoratì logolìk, it ap o wùtarek mene atì nek he, hùkorogo hogorinaparek atì hak, at Musa hamùlùgat negen hogoratì logolìk, at Yesùt enek he, hùkorogo hogoratì logousak o.

YOHANET 4:6

O like pùlem jam 12 oba lagai wagaikesik, at Yesùt kwe nen warek nogo nen he, i ap Yakùp agei poge habuli'mo hinatì lagaukwa ba atì hù'lagaikesik welagaike.

MATÌÙT 12:42

Atì hak, at he kain mene awì o i apùtmo higit o pogot erokwe walegat atoma nen at ap Salomo atì a'la motok kagalek logolìk hagatì lagaike wene atì asuk holigìlùk wagaike. Mene re, at Salomo atì mea negen. Meneat he, an yoma welagì yì nek he, motok esin nogo nen he, hobuk o elùgùn oba Ala nen apùnì ùkùm inoba hìgìk, kotìk, ìgìn atì sat, at he kain atì ebe melarìk he, hit o yogotak welagep mene yì mel yogohisegein: Hit weak, hinekalì, ìlùk yogohisegein o,” ìlùk yogoisasike.

YOHANET 8:53

Nit ninopa Aberaham ebe wa'lagaike meme atì, ebe yekerek negen. Mene re, hat enek he, hebe kain a? It ap Ala ane yogoisìkì lagaukwa mene amanogo wa'larìk lagaukwa meneat he, hat hebe sa hak en ìkì lagen nogo,” ìlùk yogosukwama,

YOHANET 4:5

Lagai waga logolìk, o Samaria o kota aike etage Sikat horok hogo kuogolùk, kweang aike ap Yakùb en alebat aput Yùsùp wogosike ba atoma lagai wagaike.

YOHANET 4:13

Atì'nogo yogosikomo, at Yesùt en he, mel yogosike: “It apùnì i yì mene niko halok he, hobuk i nele asigin meneat he,

YOHANET 4:20

Nen, nit ninapu ninopalak en he, tom yì ba logolìk Ala hogoratì lagaukwa meneat he, hit Yahuri mene nen he, Ala o wele'ma hogorasusak lek. We, o Yerusalem atoma negat hogorasusak o, ìlùk egesep atì,” ìlùk yogosikomo,