YOHANET 3:5 - Ala Ane Wene Ket Mene Warogo Wo'ninapike Wene5 at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì. အခန်းကိုကြည့်ပါ။ |
YOHANET 3:5
35 ပူးပေါင်းရင်းမြစ်များ
At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.
It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.
Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.
Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.
Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.
Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.
Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.
Ala a'la akikerek mene higit hogo hagasuogolùk he, it apùnì nen Ala ane helal waganek esewerek mene amanogo mel, ap Parìsi mene mel, inoabùt hagarì'lùgì atì hagat hagatì logogun halok he, Ala awe a'ma hisikere'ma atoma kugun lek o. Eberogoat Ala a'la akikerek mene higit hogo hagatì logogun mene halok kugun o,” ìlùk yogoisasike.
Halok he, hit hina'la nen he, it ap inebe pìre atem sa hak en inopase a'la akasike higit hogo hagasike akegep,” ìlùk, yogoisasikomo, it en he, “Atì aput hobuk mene atì nen hagasike,” ìlùk yogosukwama, at Yesùt en he, “Halok he, an nen wene aike eberogoat yogohisak. Hit oan werek kolek he, it ap uang pemerìntah hesik kìno ìlìk atogotarek mene mel, hìmì yùgùnat yanani nìlìk negarek mene mel, it atì tak Ala awe a'ma hisikere'ma atoma kugun o.
Hineileken nen weagathinabusak haga'laga halok, hineileken o'moko hemelogo laksilìk o'moko nek logolìk Ala awe a'ma kumo hano. Mene re, hineileken wùrat logogun halok, wea'ma etu nogoil agì'lek soboneken wa'lagì'lek inoba hiko motok welagare'ma atoma po lakhikamo weak ìlùk, hineileken o'moko hemelogo laksano o.
ကြော်ငြာတွေ