YOHANET 3:36 - Ala Ane Wene Ket Mene Warogo Wo'ninapike Wene

³⁶ Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 3:36 ပူးပေါင်းရင်းမြစ်များ

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

LUKAT 3:6

Atì'nogo hagatep halok, Ala nen apùnì telninabigin mene aike lakhei waganem hineileken hogoin o,” ìlùk, Yesaya nen helal waganogo hesike mene higit hogoat, at Yohanet an atì'nogo yogoisìlìk nìkì lagaike atì.

YOHANET 1:12

Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

YOHANET 4:36

Ebe arat palho halok he, ap aike awì yaterek mene mel, nen, aike eken palherek mene mel, eperak ina'la hai hakoagalùk, yogotak at aike eken palì'logo mene atì oko helìlì'logoat o. Oko helìlì'logo atì ebe re, eken palogo atogorogo hagarek atì hak, apùnì ineluk motok logouagalùk atogorogo hisìlì'logo atìat o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

YOHANET 6:58

Nen, sùpùrùk pogot oba nen pi wagaike mene yì re, hit hinopalak nìkì lagaukwa mene inebe wa'laga lagaukwa atì hake re, lek meneat he, ap sa nen sùpùrùk ebe mene yì niko halok, eluk motok logogin o,” ìlùk yogoisasike.

YOHANET 8:51

Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,

LAKSASIKE 14:2

Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

ÙRÙM 4:15

Wene Ala nen ninasuk wasike wene atì ba re, Ala a'mage ninoba hikerek. Wene ninasuk wasike atì watì'lek logoilepma re, wene sagalogo weak hagarì'lùgì, ìlùk ilep legat o.

ÙRÙM 5:9

At Karìsùt mep wulagasogo wa'lagaike atì ba, ùkùm ninoba mene korogo wokhìlìk Ala ninom hobuk ninapotkwe hinasikesik nogo nen he, hobuk Ala a'mage ninoba hikenem telninabigin lek nogo? Telninabiginat o.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

KALATIA 3:10

Nen, Ala nen mel isikomo helal waganogo hesukwa: “Wene an nen inasuk wasigimo helal waganek werek atì obogat apùnì inasuk holìk he, higit hogo hagatarek lek halok, inebe lopok homan hisegein werek o,” ìlùk isikomo, helal waganogo hesukwa hak, it apùnì aike nen wene Ala nen ninasuk wasike wene a'nogo higit hogo hagasuogolùk, inetaùken atì ba hìpìrethìlìk welagaikerek mene hùgì, Ala nen homan hisegein weregat o.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

1 TESALONIKA 5:9

Ala a'mage nit ninoba hìlìk weaga'ninabigìlùk wena'ninapike lek. We, ninoe Etagepogot Yesùt Karìsùt en telogo hano'ninabuagalùk wena'ninapike o.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

IBERANI 3:18

Ala nen wenagisìkì logolìk hopuk yì'nogo palhike: “An nen, Hit set walogoin, ìlùk abok yogohisasigi a'nogo, set walogoin motok lek o,” ìlùk yogoisasike atì sanì nogo. Atì re, it apùnì Ala ane hologo higit hogo hagatì'lek heraksìkì lagaukwa mene amanogo akìgì.

IBERANI 3:19

It atì inetaùken Ala oba hìpìrethìgì'lek hagatì lagaukwa atì nen, set wala kusak motok mea agaike, ìlùk nit yogotak hùthìkì lago o.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.