YOHANET 3:35 - Ala Ane Wene Ket Mene Warogo Wo'ninapike Wene

³⁵ At opase nen aput ebe etaùken hutik logolìk, yì mene tì mene obogat at esewerek logouagalùk wogosike.

YOHANET 3:35 ပူးပေါင်းရင်းမြစ်များ

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

YOHANET 5:22

Apùnì obogat en an nopase hogoratarek atì hak, an aput atì'nogoat hogo'napì logouagalùk, at en apùnì oak tegelogo ùkùm inoba hìgìk, kotìk, ikerek lek. We, aput an nenat oak tegelogo ùkùm inoba hìgìk, kotìk, uagalùk, neki ba hesiko o. Halok he, it apùnì aike nen an hogo'nabì'lùgì lek halok he, an nopase lakhani wagaike mane atì, hogorarì'lùgì legat o,” ìlùk, yogoisasikesik wene hobuk aike mel yogoisasike:

YOHANET 5:20

An nopase nen he, aput an etaùken hutik motok logolìk, at ebe nenat yì mene tì mene hagaterek mene obogat yakùlnetenem yogotak hagatenem hineileken neegep atì re, hamùlùgat negen meneat he, hobuk hit hogorasuagalùk yakùlnetenem hùko mene hagatenem hit hineileken neogoin oba weregat o.

LUKAT 10:22

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

EPESÙT 1:22

Ala nen yì mene tì mene pogot oba kweangma welagarek mene obogat waganogo at aligat eki ba hìlìk, Ala againapùrì atogotì lago mene yì hesik tì hesik kain he, Karisùt at wo'nisasike atì.

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

1 KORÌTÙT 15:27

Ala ane helal yì'nogo waganek werek: “Yì mene tì mene obogat at awe a'ma arat hisa waga o,” ìlùk isukwama helal waganek werek. “Obogat awe a'ma hisa waga o,” isukwama werek meneat he, at Ala hisa wagawerek okawerek ebe Karìsùt awe a'ma kìgì'lek, ìlùk enagat werek o.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 15:9

At Yesùt en wene atì'nogo yogoisasikesik aike mel yogoisasike: “Nopase nen an etaùken hutik welagarek atì hak, an nen hit netaùken hutik welagì o. Atì'nogo hit netaùken hutik logoik en he, an ninom hutigat logoino o.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

MATÌÙT 3:17

Labok i pi wagaikomo re, Ala ane pogot oba nen, “Naput netawì e. Noba lìok ike o,” ìlùk ane pelakhei wagaike.