YOHANET 3:3 - Ala Ane Wene Ket Mene Warogo Wo'ninapike Wene

³ Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

YOHANET 3:3 ပူးပေါင်းရင်းမြစ်များ

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

MATÌÙT 19:24

Atì'nogo yogoisasikesik he, at en he, “Wene atì meneat hobuk lagak hogo yogohisak. Wam unta hùko atì mene re, lisu eketma elok lok hogo kusak meneat he, it apùnì inagarok apik mene atì Ala nen awe a'ma hisikere'ma atoma kusak motok mea o,” ìlùk yogoisasike.

MATÌÙT 21:31

Halok he, hit hina'la nen he, it ap inebe pìre atem sa hak en inopase a'la akasike higit hogo hagasike akegep,” ìlùk, yogoisasikomo, it en he, “Atì aput hobuk mene atì nen hagasike,” ìlùk yogosukwama, at Yesùt en he, “Halok he, an nen wene aike eberogoat yogohisak. Hit oan werek kolek he, it ap uang pemerìntah hesik kìno ìlìk atogotarek mene mel, hìmì yùgùnat yanani nìlìk negarek mene mel, it atì tak Ala awe a'ma hisikere'ma atoma kugun o.

MATÌÙT 5:18

An nane eberogoat yogohisak. Pogot mel, kweang mel, oan lek agì'lek werek kolek ya re, wene Ala nen ninasuk wasike mene atì, helal hamùlùgat sobon al hake mel, inesiken omakeat hake mel, lek agì'lek motok heleleng hogo eberogoat haga'lasigin o.

MAREKÙT 10:14

Atì'nogo wenagisikenem, at Yesùt eileken isìlìk a'mage lagalìk he, mel yogoisasike: “Apùnì inoabùt it yekerùgì arì inoabùt atì hake haga'lasugun halok he, Ala nen awe a'ma hisikere'ma atoma esewerek asugun atì nen he, yekerùgì magatek aroma an noba we'nìk. Wene palhe hùk o.

MAREKÙT 9:47

Hineileken nen weagathinabusak haga'laga halok, hineileken o'moko hemelogo laksilìk o'moko nek logolìk Ala awe a'ma kumo hano. Mene re, hineileken wùrat logogun halok, wea'ma etu nogoil agì'lek soboneken wa'lagì'lek inoba hiko motok welagare'ma atoma po lakhikamo weak ìlùk, hineileken o'moko hemelogo laksano o.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

YOHANET 1:5

Nit o mùmmo were'ma lìa'ninabi wagaike mene kìalek were'ma, o mùm atì nen lamuguthousak mea nen kìalegat welagarek.

YOHANET 1:51

hobuk wene aike mel yogoisasike: “Apùnì e pelarek obakwe lagagìk, pìgìk, egarek atì hak, hobuk pogot healogo it malaikat Ala nen yoko laksa wagarek mene amanogo, an abat ta'lasi wagagi a'nogo noba lagagìk, pìgìk, ikenem hineileken nisìkì logogun o, ìlùk nane eberogoat yogohisìgì,” ìlùk yogoisasike.

YOHANET 12:40

“At Ala nen he, it ineileken nen tùkùm hogo hìlìk, ina'la ebethìlìk inoabùt hebelarìk he, an nawe a'ma waganem, an nen it hano hagarinabi nogo ìlùk, an nenat it ineileken mùmetsìgìk, ina'la pùgùtsìgìk, isigi o,” ìlùk isikomo, Yesaya nen helal waganogo hesikomo werek atì.

YOHANET 3:4

at Nikotemùt en he, mel yogosike: “A! Apùnì inalùge ba nen nìkì'nogo hobuk taginabusak akegen. Inagosalak ina'la kìlì'mo nen hobuk elok taginabusak nogo? Mea o,” ìlùk, yogosikomo,

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

EPESÙT 2:1

Hit alep he, Ala ane sagalogo weak hagatì lagagip atì nen, hinetaùken hesik hinebe warek hake welagagip.

TITUT 3:5

Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

1 YOHANET 3:9

Nen, apùnì Ala nen taginaperek mene hùgì inebe lopok, at oabùt wìlìk hagatarek atì nen, weak hagato motok logousak lek. Inebe Ala againapùrì logolìk weak hagato motok welagaikarek lek o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.

ABÌKAKAN 3:14

Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: