YOHANET 3:29 - Ala Ane Wene Ket Mene Warogo Wo'ninapike Wene

²⁹ Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

YOHANET 3:29 ပူးပေါင်းရင်းမြစ်များ

MATÌÙT 22:2

“Ala nen awe a'ma hisikere'ma atoma eperak higit he, ap kain etagepogot aike aput agwe ìgìtì logolìk, pesta isasukwa hagat o.

MATÌÙT 25:1

At Yesùt en atì'nogo yogoisasikesik he, wene aike mel yogoisasike: “Ninopase Ala nen awe a'ma hisikere'ma atoma eperak higit he, hìlìmìkìrùgì inebe 10 nen lampu kìalogo wolok ap aike agwe ìkagalùk waganem elokoma lagaukwa atì hakeat o.

MATÌÙT 9:15

Yogosukwama re, at Yesùt en he, mel yogoisasike: “Ap aike agwe ìkìki logolìk he, at erùgì agaiya'lak inomat logolìk he, it ina'la wiik-weak hogo logousak nogo? Lek o. Atì'nogo meneat he, erùgì agaiya'lak hisalùk, ap atì wolok logoin oba weregat o. Atì'nogo wolok lamo nek he, it atì ineki aike sùpùrùk nìkì'lek sapanat iko logogunat o,” ìlùk yogoisasike.

LUKAT 15:6

oe agot mel, apùnì aike inawì sili omakìma mene mel, obogat waisìlìk he, An nako nalaga mene a'nogo arat herakalùk wagì atì nen, nina'la hai hakùok o, ìlùk yogoisikerek a'nogo lek?

YOHANET 15:11

Nen, an na'la hai hakìgìrek atì hak, hit hina'la hai hakìkì logolìk, hobuk hina'la hai hùkorogo hakìkì logouageip en ìlùk, wene atì obogat yogohisìgì o.

YOHANET 16:24

O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

YOHANET 17:13

An nebe hat hea wesigin meneat he, yogotak kweangma ya logolìk, an na'la hai hakìgìrek atì hak, it ina'la hai motok hakoagalùk, wene obogat atì yogohetì o.

YOHANET 3:30

Ap atì etagewerek asusak obaat etagewerek agìk, an netage lek asusak obaat, netage lek agìk, igin o,” ìlùk yogoisasike.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

PILIPI 2:2

an na'la hùkorogo hai hakìkì logoik en, hinetaùken omakeat logoino. Atì'nogo logolìk hit-hit netawì-hetawìrogo omakeat mene hagatìk, hinoabùt hinetaùken omakeat welagìk, ìkì logoino o.

1 YOHANET 1:4

Nen, wene yì hesik nina'la hai hakìkì lago mene atì, hobuk nina'la hùkorogo eberogoat hai hakùogolùk helal waganogo hinoba lakhei wago atì.

2 YOHANET 1:12

Wene apigat hinoba lakhei wesusak werek meneat, lisu amusu sùesika ba helal waganusak he, nabìt o. We, nina'la hai hakìkì lago mene atì ebenagei'mo hai hakùogolùk he, ninom apìma weneane nineilha ba la'-lak uogolùk, an nebe hinoba wesigin akìkì lagì o.

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.