YOHANET 3:26 - Ala Ane Wene Ket Mene Warogo Wo'ninapike Wene

²⁶ Wene palhì lagaukwasik, Yohanet oba lagaukwasik he, mel yogosukwa: “Noe. Ap aike hat heperak i Yoretan aik ìlì bakwe logolìk, at hesik abok pìlìngìrogo yogonisasigin mene a'nogo nen ima pelaginapenem apùnì inebe obogat at oba wìrì'lùgì o,” ìlùk, yogosukwa.

YOHANET 3:26 ပူးပေါင်းရင်းမြစ်များ

YOHANET 12:19

Atì'nogo wùlìbi wagaukwa atì nen, it ap Parisi mene it-it wene ìkì logolìk he, “Lakhani! Yì apùnì tì apùnì obogat, at opolik motok lìlì'lùgì atì nen he, nit en hagatì lago a'nogo hagatenem, ninane ebe asigin akìkì lagep a? Motok lek o,” ìlùk isukwa.

YOHANET 11:48

Nit en, at atì'nogo hagarìk niko kolek wenagatì'lek herakhogoin halok he, apùnì apik inetaùken at oba hìpìrethìlìk laganem he, elùgùn oba re, it ap Ùrùm mene wìrìk ninebe yeloken tagalninapì logolìk he, Ala awì wùrìk mesali wesugun o!” ìlùk yogoisasukwama,

YOHANET 1:15

Wene at ebe hesik Yohanet en mel yogoisasike: “An nopolik hobuk ap aike wesigin, ìlùk abok yogohisìgìrek a'nogo re, ebe yìat o. At yì hobuk an nopolik waga meneat he, ebe an oan ta'lagì'lek werek kolek, at alebat welagaike atì nen he, an nebe maben o. Kain he, arat o,” ìlùk, ane hùkorogo yogoisasike.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

MATÌÙT 23:7

apùnì nen, Guru nopase, ìlùk hai warinapìk, pasar oko wanhare'ma atoma apùnì nen inane agauk hogo yogoisìgìk, ìkì logouagalùk atoma lagìk, ìkì logou walok welagaikarek atì.

MATÌÙT 23:8

Meneat he, hit hinopase re, guru wene yakùlhisikerek mene omakeat enek werek atì nen he, hinerùgì hinagaiya'lak hinom higit halok, it aike nen, Guru noe, ìlùk yogohisasak motok lek o.

YOHANET 4:1

Atì'nogo hagatì lagaukwama, it apùnì nen he, mel isukwa: “It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he, “Wene ati, it ap Parisi mene inasuk holha hìgì,” ìlùk elu agaike.

YOHANET 4:2

Atì'nogo isukwa atì re, at Yesùt ebe nen he, ima pelaginapì lagaike lek. We, at agoromì ane wanhì lagaukwa mene amanogo nen ima pelaginapì lagaukwa meneat isukwa.

YOHANET 4:31

Ha wesuogolùk oan waga kolek, Yesùt agoromì ane wanhì lagaukwa mene amanogo nen, at mel yogosukwa: “Noe. Hat sùpùrùk tak nan o,” ìlùk yogosukwa.

YOHANET 5:33

Hit en Yohanet oba an hesik hinok wanuagalùk hinagoromì yoko laksasigisipmo re, at on he, ebe wene hesik nabok pak hogo yogohisasike akìgì.