YOHANET 3:21 - Ala Ane Wene Ket Mene Warogo Wo'ninapike Wene

²¹ Atì'nogo ina'la akagarek meneat he, it aike inoabùt higit hogo hagarì'lùgì mene hùgì inebe lopok, ina'la akìkì logolìk he, Ala ninom hutik logolìk yì'nogo hano hagatì lagoma, ìlùk, weinam asuagalùk, an lìa mene noba wagaikarek o,” ìlùk yogosike.

YOHANET 3:21 ပူးပေါင်းရင်းမြစ်များ

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

YOHANET 3:20

Nen, it apùnì weak hagarì'lùgì mene inebe lopok ina'la nen akìkì logolìk he, Nit lìa atì ba logoin halok, nit weak hagatorek mene hukalarìk weinam asinogo, ìlùk, akagaresik, an lìa mene yì inapsìrì nen he, noba wagì'lek kamo egarek.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

1 KORÌTÙT 15:10

Atì'nogo usak mea meneat he, Ala oabùt hano nen nayoko hesikomo yì'nogo agagisik welagì o. Nayoko hesike atì we tùlemat hesike lek atì nen he, it aike obogat yabu hamùlùgat hake wanho kolek, an enek he, apik hake wanhì lagì o. Mene re, atì'nogo wanhì lagì atì re, an nen wanhì lagì hùk. Ala oabùt hano nen, neperagat logolìk wanì'logo o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

KALATIA 6:8

at sa nen oabùt esogat logolìk hagarì'logo halok, oabùt atì baat alema'lakegein atì. Mene re, at aike sa nen, Ala Areagùn eperak hutik logolìk, at mene hagarì'logo mene halok, Ala Areagùn atì nenat, eluk motok logouagalùk hanothegein atì.

EPESÙT 5:9

E ero hano mene nen eken hano meneat ìterek hak, apùnì o lìa ba logolìk yì mene tì mene hanorogo higit hogo inetaùken oba nen eberogoat hagatarek atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 YOHANET 1:6

Nen, nit he, ninane ba nen, “At ninom hutik welago,” ìlùk ìkì logolìgat he, o mùmmo logolìk inoabùt hagatarek mene atì hagatì lago halok he, ebe mene hagatì'lek ninapeliak ìkì lago o.

3 YOHANET 1:11

Nagaiyak e. Hebe netawì. Hat en he, it apùnì inoabùt weak hagatarek mene atì, inoabùt wanhùn o. We, it inoabùt hano hagatarek mene halok, inoabùt wanhì logoino o. Sa nen oabùt hano nek hagaterek mene atì ebe Ala againapùrì meneat he, sa nen oabùt weak enek hagaterek mene halok, at en Ala ebe eileken hikere'lek okot o.

ABÌKAKAN 3:15

Hit hinoabùt hagatì lagep mene atì, obogat an nelu o. Hit hinoabùt min hogo logolìk, hinobaken nene hagatì lagep legat, nen, agaken hogo logolìk, akiluk hogo hagatì lagep legat, we, hinoabùt min hinobaken nene logousak halok, atìat logousak. Nen, agaken akiluk hogo hagatì logousak halok, atìat logousak o.