YOHANET 3:18 - Ala Ane Wene Ket Mene Warogo Wo'ninapike Wene

¹⁸ Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

YOHANET 3:18 ပူးပေါင်းရင်းမြစ်များ

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

YOHANET 1:12

Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

ÙRÙM 5:1

Yogotak he, nit ninetaùken Ala oba hìpìrethesugu atì nen, ùkùm ninoba mene korogo wokhìlìk ninom ninapotkwe hùnogo hinasikomo, ninoe Etagepogot Yesùt Karìsùt hagasike atì ba Ala ninom lìoksek welago.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

ÙRÙM 8:34

Nen, ùkùm ninoba hìlìk he, sa nen weaga'ninabusak nogo. At Karìsùt Yesùt wa'lagaikesi'mo Ala nen eluguthesikomo re, pogot oba lagasikesik, at era'lu eki ebekwe kain logolìk he, nit hesik Ala ayoko hìlì'logo.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

IBERANI 3:19

It atì inetaùken Ala oba hìpìrethìgì'lek hagatì lagaukwa atì nen, set wala kusak motok mea agaike, ìlùk nit yogotak hùthìkì lago o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 4:9

Mene re, Ala nen, “Hit hinebe netawì welagì,” ìlùk hukalogo sele'matheigìlùk, aput omakeat tago a'nogo nen, ninelugu'ninabuagalùk kweang'ma pelabi wagaike atì.

1 YOHANET 5:10

Apùnì inetaùken Ala aput oba hìpìrethìlì'lùgì mene hùgì nen he, “Wene atì eberogoat o,” ìlùk ina'la nen hùthìlì'lùgì. Atì'nogo meneat he, apùnì aike inetaùken Ala ba hìpìrethìgì'lek mene hùgì nen he, “Wene Ala okawerek en aput hesik abok isike wene atì eberogoat,” ìlùk akìgì'lek logolìk, Ala apeliak ikerek mene negen hagarogo hìlì'lùgì o.

1 YOHANET 5:12

Apùnì nen Ala aput ebe wanha halok he, nabùlal-habùlalat wanhasik ese agaikasik werek o. Mene re, it aike nen Ala aput ebe wanhì'lek halok he, nabùlal-habùlal wanìk ese agì'legat werek o.