YOHANET 3:17 - Ala Ane Wene Ket Mene Warogo Wo'ninapike Wene

¹⁷ Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 3:17 ပူးပေါင်းရင်းမြစ်များ

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

YOHANET 6:57

An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 6:29

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo,

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

1 YOHANET 2:2

At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

YOHANET 7:29

Atì'nogo meneat he, an enek he, at enat lakhani wagaikomo, o at were'ma atoma nenat wagagi atì nen he, an at ebe nelu o,” ìlùk yogoisìkì lagaikomo,

YOHANET 5:45

Mene re, an nen Ala eilhanem ùkùm hinoba hegein ìlùk hina'la akagùp o. At he, Musa ane atì baat hano'ninabigin ìlùk hina'la hai hakegesep meneat he, at enat ùkùm hinoba hegein o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 5:38

at en nayoko hìlìk lakhani wagaike meneat he, hinetaùken noba hìpìrethìkì lagep lek atì nen, at ane hina'la werek motok lek o.

MATÌÙT 1:23

At atì nen he: “Helekerek aike omalik a'ma arìk he, eak abat takegein o. Ta'laga halok he, nit ninane ba, Ala ninom welago, u hak, etage Imanuel ìkì logagun,” ìlùk helal waganogo hesike mene higit hogoat haga'lagaike atì.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

LUKAT 9:56

Atì'nogo wenagisalùk he, o hùnogoma aike lagaukwa.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

YOHANET 8:11

at en he, “Noe. Motok lek o,” ìlùk, yogosikomo, Yesùt en he, mel yogosike: “An hogo re, ùkùm hoba hìlìk hoasigin legat o. Hebe haua lano. Lìlìk he, hùlì yogotak oba nen hobuk weak aike hagatì logogùn o,” ìlùk yogosikesik he, aua lakhesike.]

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

MATÌÙT 18:11

An abat ta'lasi wagagi a'nogo re, apùnì nong arì'lùgì mene atì heragasogo telinabigìlùk wagagi o.]