YOHANET 3:16 - Ala Ane Wene Ket Mene Warogo Wo'ninapike Wene

¹⁶ Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

YOHANET 3:16 ပူးပေါင်းရင်းမြစ်များ

ÙRÙM 5:8

Atì'nogo meneat he, at Ala ninebe etawì nen hagaterek atì enagat asuagalùk, nit weak hagato were'ma, Karìsùt ebe wo'nisasikomo ninobùlù'mo wa'lagaike atì.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

ÙRÙM 5:10

Nit alep he, Ala ninom weim palek were'ma re, hobuk at aput wa'laga logolìk, Ala ninom lapuk hogo hinasikomo welago. Atì'nogo were'ma, at ebe eluk logolìk he, telninabigin lek nogo? Alep telninabusak le'ma telninapikesik he, yogotak ninom hutik logolìk telninahiginat o.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

EPESÙT 2:4

Atì'nogo welagaike meneat he, hobuk at oabùt hano motok en, hùkorogoat etawì'ninapike.

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

TITUT 3:4

Atì'nogo ìkì lagagu meneat he, at Ala ninebe telninaperek mene a'nogo oabùt hano nen, nit apùnì etawì'ninapike mene atì enagat weinam agaikomo ebe hùthasugu atì.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

MAREKÙT 12:6

Atì'nogo heleleng hogo inoasukwama re, at eyabu esewerek mene a'nogo aput etaùken hutik mene omakeat atì nek agaikomo re, at en he, An naput yìat inoba lakhoumo re, inane agauk hogo hai warogo wanugun o, ìlùk akasikesik he, ebe hobuk inoba lakhei wagaikeat.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

YOHANET 3:18

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.