YOHANET 3:13 - Ala Ane Wene Ket Mene Warogo Wo'ninapike Wene

¹³ Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 3:13 ပူးပေါင်းရင်းမြစ်များ

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 3:12

An nen wene kweangma mene hesik yogohisikenem he, hit en eberogoat ìlùk hùthìkì lagep lek halok he, wene pogot oba mene hesik yogohisamo hobuk nìkì'nogo nen wene atì eberogoat ìlùk hùthogoin akegep. Hùthogoin motok lek o,” ìlùk yogosike.

YOHANET 3:31

Nen, apùnì obogat he, inetage lek enek. We, at po a'loma nen pi wagaike mene atìat kain etagewerek o. Ap aike ebe kweangma nen tago mene halok, ebe kweangma meneat ma, wene kweangma meneat ikerek o. It apùnì obogat inetage lek negen werek kolek he, ap aike pogot oba nen pi wagaike mene atìat esin etagewerek o.

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

YOHANET 6:46

Wene yogohisìgì yì re, it apùnì aike nen, an nopase atì ineileken hasukwa ìlùk yogohisìgì hùk. We, an naligat Ala were'ma nen wagagi mane yì nek he, nopase neileken hasigi o.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

LAKSASIKE 2:34

Mene re, at Taùt ebe pogot oba lagagì'lek. Meneat he, at en mel isike: Ninopase Etagepogot en he, an noe Etagepogot yogotì logolìk he, Apùnì hat haselei mene amanogo, hesok en al lebelogo hisanok en, an nen oan hoba hisa wagì'lek werek kolek, hat an nera'lu neki ebekwe hebe kain logoinok, ìlùk at Ala nen yogosike, ìlùk, at Taùt okawerek en isike atì.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

ÙRÙM 10:6

Atì'nogo meneat he, apùnì inetaùken Ala oba hìpìrethikenem he, at en ùkùm inoba mene korogo wokhìlìk hobuk inapotkwe at inom hùnogo hisikerek atì hesik, Ala ane ba helal yì'nogo waganogo hesukwa: “Ha'la nen he: Pogot oba sa lagagin, ìlùk akagùn o,” ìlùk isike atì ebe re, Karìsùt ebe wolok pi wesuagalùk usak lek ìlùk isike atì.

1 KORÌTÙT 15:47

Ala nen emakum ap Aram atì ebe kweang lobulongeke mene elalhikesi'mo re, oabùt kweang meneat o. Meneat he, ap Aram hobuk mene atì pogot oba nenat wagaike.

EPESÙT 1:23

Nit Ala againapùrì ninebe at Karìsùt ebeat o. Ma re, yì mene tì mene, pogot oba kweangma welagarek mene obogat a'la Karìsùt ebe peserogo logolìk, nit Ala againapùrì at ebe hake were'ma, nina'la peserogo welagarek atì.