YOHANET 3:12 - Ala Ane Wene Ket Mene Warogo Wo'ninapike Wene

¹² An nen wene kweangma mene hesik yogohisikenem he, hit en eberogoat ìlùk hùthìkì lagep lek halok he, wene pogot oba mene hesik yogohisamo hobuk nìkì'nogo nen wene atì eberogoat ìlùk hùthogoin akegep. Hùthogoin motok lek o,” ìlùk yogosike.

YOHANET 3:12 ပူးပေါင်းရင်းမြစ်များ

IBERANI 5:11

Wene atì hesik he, nit en hit yogohisasak mene apigat werek meneat he, hit hinoabùt, wene hepok hùthasak mea atì nen, nit en tùkùm hogo yakùlhisasak mea o.

YOHANET 3:8

Sogoi atì, we, abusagat yùgùnat hunhikenem he, ane nek hasuk holhetek meneat he, ebe re, koma nen heat wìrì'logo. Nen, komakwe heat lìlì'logo. Hokot atì. Atì hak he, apùnì Ala Areagùn nen inebe lopok atì'nogoat taginaperek o,” ìlùk yogosike.

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

YOHANET 3:11

Nit en wene ninelu meneat yogohisìgìk, nineileken hogo meneat eberogoat ìlùk, pìlìngìrogo yogohisìgìk, ogorek meneat he, ninane atì holhì'lek hinobaken nene hagatì lagep ìlùk, nane eberogoat yogohetì lagì.