YOHANET 21:7 - Ala Ane Wene Ket Mene Warogo Wo'ninapike Wene

⁷ Atì'nogo mea agaikomo logolìk, at Yesùt agoromì mene aike, at etaùken hutik mene a'nogo nen he, Peterùt mel yogosike: “Peterùt, ap arì ninoe Etagepogot a'nogoat o,” ìlùk yogosike. At Yesùt agot a'nogo nen, “Ap arì ninoe Etagepogot a'nogoat o,” ìlùk Peterùt yogotenem asuk holhikesik he, asu etakwe mene nokologo hesikesik nokolek welagaike mene hepok-hepok laberasikesik he, ima pok pisike.

YOHANET 21:7 ပူးပေါင်းရင်းမြစ်များ

MAREKÙT 11:3

Atì'nogo hele hikalhenem, it apùnì atoma mene aike nen he: Warn kopì hikalhiì lagep atì, nenahalok, ìlùk wene palhe halok he, mel yogoisano: Ninoe Etagepogot a'nogo nen wam yì mene lek en wolok lùogolùk hikalhiì lago. At en wam yì apotkwe heageagat lakhei wesigin o, ìlùk yogoisano,” ìlùk wene warogo laksasike.

LUKAT 12:35

Atì'nogo yogoisasikesik he, hobuk yogoisìkì logolìk he, “Ap kain mene hìmì ìgìnapenem lìlìk isago nalùk waganem, agoromì atitigeke mene serogo inepe hebelogo were'ma, at apotkwe wìrìk, kwe papagathikenem hepok kwe hùthagarek hak, hit hogo re, hinasu hanorogo ìkogo nen esage kìalogo hìlìk logoino o.

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 7:47

Atì'nogo hagate atì nen he, an nen hat aike yogohesik. At he yì nen weak apigat hagaterek meneat he, at a'la nen he, Yesùt en sagalogo legetsikomo, ìlùk hùkorogo etawì'nape atì ba enagat haga'laga o. It apùnì weak hamùlùgat hagarì'lùgì mene, Ala nen sagalogo legetsikenem, we hamùlùgat negen inetawìratarek o,” ìlùk yogosikesik he,

YOHANET 13:23

Atì'nogo la'-lak iko kolek he, it at Yesùt ane wanhì lagaukwa mene aike at etaùken hutik mene era'lu horok hogo hùrek welagaike.

YOHANET 19:26

At agosa mel, agoromì ane wanhì lagaukwa mene aike etaùken hutik motok welagaike mene a'nogo mel, era'lu atì'nogo metek were'ma eileken isasikesik, at agosa yogotì logolìk he, “He yì nagosa. Hat heak arìat o,” ìlùk yogosikesik,

YOHANET 20:2

Atì'nogo werek en eileken halùk he, humusek motok ap Simon etage aike Peterùt egarek a'nogo mel, Yesùt agoromì ane wanhì lagaukwa mene aike at etaùken hutik mene a'nogo mel, inoba lagaikesik he, mel yogoisasike: “Apùnì nen ninoe Etagepogot warek omoulama nen wolok wùlùpasik koma hei lagaika heat ma re, nit ninoake palaga o, nerùgì,” ìlùk yogoisasikomo,

YOHANET 20:20

eki mel, abeleken mel, wasukwa mene a'nogo agapùt ìnùgisasike. Atì'nogo ìnùgisasikomo ineileken hasukwasik he, “Ninoe ebeat o,” ìlùk ina'la hai apik hakasukwa.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 21:20

At Yesùt en wene atì'nogo yogosikomo, at Peterùt elokwe hebek hogo eileken apotkwe lakhasike hak he, Yesùt agot aike etaùken hutik mene a'nogo inopolik waganem lakhasike. At atì ebe re, alebat sùpùrùk nìkì logolìk Yesùt era'lu horok hogo hùrek logolìk, at en he, “Yesùt noe. Sa nen noe Hetagepogot hoasuagalùk yoko legein,” ìlùk oba hinok wokhasike mene a'nogo.

YOHANET 21:24

Wene Yesùt agot aike hesik isike atì, nebe anat o. An neileken hasigi mene nenat pak hogo yogohisa hak, helal palogo hìgì yì. Wene atì an neileken hasigi mene nenat pak hogo yogohisìgì eberogoat, ìlùk, nit obogat ninelu.

YOHANET 21:8

Atì'nogo piko kolek, Yesùt agoromì he'nakìt amanogo it welagaukwa ba nen hùlì i aik oba re, walegat he, lek. We horogat, 100 meter hake atì nen he, ikan apik su yoge su apem hesoksek a'nogo lisogo wolok so warogo i aik oba wùlìbi wagaukwa.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 2:36

At Yesùt ebe re, hit en e ba menhìlìk watepma, at Ala nen he, Hinoe Etagepogot Karìsùt ebe yìat, ìlùk menhike atì. Halok he, hit apùnì Isirael mene obogat en he, Wene atì eberogoat, ìlùk hinelurogo logoino,” ìlùk yogoisasike.

1 KORÌTÙT 15:47

Ala nen emakum ap Aram atì ebe kweang lobulongeke mene elalhikesi'mo re, oabùt kweang meneat o. Meneat he, ap Aram hobuk mene atì pogot oba nenat wagaike.

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.

YAKOBÙT 2:1

Nerùgì nagaiya'lak. Hinetaùken ninoe Etagepogot Yesùt Karìsùt hogoratarek mene a'nogo oba hìpìrìk logolìk, apùnì inogat etakwe nek hineileken isìlìk he, aike hinelokoma hisìgìk, aike hinapotma hisìgìk, ìkì logogùp o.