YOHANET 21:17 - Ala Ane Wene Ket Mene Warogo Wo'ninapike Wene

¹⁷ Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YOHANET 21:17 ပူးပေါင်းရင်းမြစ်များ

YOHANET 13:38

at Yesùt en he, mel yogosike: “Hat an hesik eberogoat wa'lasusak welagen a? Lek o. Sùe ayam ane ìgì'lek werek kolek, hat en, An Yesùt nokot, ìlùk heki hìnagan oba labelì'mo nen ayam ane igin o, ìlù eberogoat yogohetì” ìlùk yogosike.

MAREKÙT 14:72

Hopuk palho kolek aremnogoat, sùe ayam a'nogo ane hobuk isike. Ane hobuk ikenem he, at Peterùt en he: “Ì. At Yesùt en an yogonetì logolìk he: Sue ayam ane emakum ìlìk he, hobuk ìgì'lek werek kolek, hat en he: Yesùt nokot o, ìlùk heki hinagan oba labeligin, ìlùk yogonete a'nogo, arat labelhì yì,” ìlùk a'la ebesikesik he, le etawì hit-hit agaike.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

EPESÙT 4:30

Ala nen hobuk hinebe hanothinabigìlùk lilu at Areagùn wokhisasikomo hina'la werek atì, a'la kolothùgùp o.

LAKSASIKE 15:8

At Ala apùnì ninetaùken elu mene a'nogo nenat, Yì an nagainapùrì o, ìlùk Areagùn nit wo'nisasike atì hagat it atì wogisasikeat.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

2 PETERÙT 3:1

Nerùgì nagaiya'lak. Hinebe netawì e. Wene alep aike helal waganogo hinoba lakhei wagagi atì mel, hobuk lakhei wagì atì mel, hit wene ebe hinelu meneat he, hina'la higit hogo ebesuageip en ìlùk lakhei waga lagì atì.

1 PETERÙT 1:6

Atì nenat, yogotak ya, Ala nen hinoabùt paligìlùk ikenem, hinoba yì aik tì aik hìkì logolìk, elama hesik hina'la weak arì'logo meneat he, hina'la hai hakìkì logoino o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

LAKSASIKE 1:24

Inetage isukwasik, Ala ayoko hìkì logolìk he, “Ninopase. Yùrat hat hane yogoisìlìk nìkì logouagalùk ayoko hesigin meneat he, at en heraksalùk wa'lasusak higit hogoat wa'lagama, obùlù'mo ap inebe pìre yì, hat en ap kì hak ayoko hegen. Hat apùnì inebe obogat inetaùken helu atì. Halok, Ap ebe yì ayoko hìgì, ìlùk, hat en yakùlnisan o,” ìlùk yogosukwa.

YOHANET 18:27

at Peterùt en he, “Lek ù,” ìlùk labelhikeat. Atì'nogo labelho kolek aremnogoat sùe ayam ane isike.

YOHANET 18:4

Lagaukwama, at Yesùt en, “An nebe hobuk yì'nogo haga'nabugun,” ìlùk obogat elu welagaike atì nen, inoba wagaikesik he, mel yogoisasike: “Hit sa herarìk wagep,” ìlùk yogoisìkì lagaikomo,

YOHANET 12:8

Nen, it apùnì inagarok lek mene atì, hit hinom motok logogun meneat he, an enek he, hit ninom motok logogun lek o,” ìlùk yogoisasike.

MATÌÙT 25:40

an ap kain Netagepogot nogo nen he, it apùnì amanogo mel yogoisegein: Hit en an nagoromì inetage lek mene aike were'ma atì'nogo hagarinapì lagagip atì, anat haga'napì lagagip o, ìlùk, eberogoat yogohisìgì, ìlùk yogoisegein.

ABÌKAKAN 3:19

Atì'nogo hinasuk watì atì re, it apùnì an netaùken hutik mene hùgì, inebe lopok inasuk warogo labìsake tùgì inoatìrek enek atì nen he, weak hagatì lagep mene atì heraksìlìk, hinoabùt hebelarìk he, akiluk hogo hagatì logoino o.

YOHANET 21:18

Atì'nogo yogosikesik he, wene aike mel yogosike: “Alebat, hat hebe elege logolìk he, An o atoma legein, ìlùk pagaluk hokawerek enat ning hogo ikìlìk laga lagag'in meneat he, hobuk hat hebe yaman arìk, heki pisarogo lakhikenem he, it aike nen hat heki hele ning hogo wathabìk he, o hat lasak habìtmo wokharek logoin o, ìlùk eberogoat yogohetì,”

YOHANET 4:16

Atì'nogo yogosikomo at Yesùt en he, mel yogosike: “Hat hagùn heperak yoma wesuageip en he, waesi lan o,” ìlùk yogosike.

LAKSASIKE 11:10

Atì'nogo eki pìre ba yogonetesik, aike yogone'lùk he, hobuk yì mene tì mene atì obogat pogot oba nen lisogo wanhomo hek hogo lagaike.