YOHANET 21:16 - Ala Ane Wene Ket Mene Warogo Wo'ninapike Wene

¹⁶ Emakum atì'nogo yogosikesik, hobuk aike inom anema mel wokhasike: “Simon Yohanet aput nagot e. Hat en an hetaùken tùlem welagen a?” ìlùk yogosikomo, at en he, “Ì o. Noe. An nen hat hebe netawì welagì atì, hat heluat o, noe,” ìlùk yogotì lagaikomo, at Yesùt en he, “Halok he, an nako topa mene konhì logoino o,” ìlùk yogosike.

YOHANET 21:16 ပူးပေါင်းရင်းမြစ်များ

MATÌÙT 2:6

Hit apùnì o Yurea o kota Pe'lehem welagasep mene yì sanì! O kota he'nakìt yoma etage werek kolegat he, o Pe'lehem yì nek he, etage lek, abelma negen, ìlùk usak lek. An nagainapùrì Isirael mene ap kain mene awe a'ma logogun atì, o sili hit were'ma yoma hinekele'ma nenat ta'lasìgìn o, ìlùk helal waganogo hesikomo werek o,” isukwa.

MATÌÙT 25:32

ap aike ako esewerek mene nen, topa wam halok alepma tegelogo hìgìk, kambing wam halok alepma tegelogo hìgìk, tegelinaperek atì hak, it malaikat atì nen apùnì inùkùl etage lopok an neilhanem atogorogo hisa waganem he, an nen atì'nogoat tegelinabigin o.

MATÌÙT 26:72

at Peterùt en alep isike hagat hobuk Ala etage hopuk palhì logolìk he, “Ap atì an nokot o,” ìlùk, yogoisasikesik,

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

YOHANET 18:17

Atì'nogo wolok kikenem, at helekerek kwe ba wùlùkùgùnem kagalek welagarek mene a'nogo nen Peterùt yogotì logolìk: “Hat he, at yì agoromì ane wìlì'lùgì mene amanogo mene lek nogo? At agoromì meneat o,” ìlùk yogosikomo, at Peterùt en he, “An he, lek ù,” isike.

YOHANET 18:25

Atì'nogo lakhei wagaikomo wagaukwama, at Simon etage aike Peterùt egarek a'nogo etu nokale'ma aremnogoat sogoi sakiko metek were'ma, it apùnì nen he, mel yogosukwa: “Hat he, at agoromì ane wìlì'lùgì mene amanogo mene lek nogo? Hat at agoromì meneat o,” ìlùk yogosukwama, at en he, “An lek ù,” ìlùk labelhike.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

IBERANI 13:20

Ninopase Ala lapulogo hinikerek mene a'nogo nen, ninoe Etagepogot Yesùt wa'lagaikesi'mo nen ebe eluguthesike. At ebe amep wulagasogo wasukwa atì ba, Ala nen wene motok logogin mene warogo wo'ninapikesik, nit obogat Yesùt en ako topa negen se'nisek logouagalùk ebe menhesike atì.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

1 PETERÙT 5:2

Ala nen he, “An nagainapùrì wam topa wam hake tì'nogo serisek logoino,” ìlùk hinayoko hesike hagat serisek logoino. Serisek logolìk, hinokawerek hinabìt werek kolegat, apùnì aike nen, inane keirogo yogohisikenem serisek welagìk, nen, hina'la nen, “Oko aike wo'nisoak,” ìlùk akìkì logolìk serisek welagìk, ìkì logogùp o. At he, we, hina'la hairogo serisek logoino o.