YOHANET 21:15 - Ala Ane Wene Ket Mene Warogo Wo'ninapike Wene

¹⁵ Sùpùrùk atì'nogo arat nasukwama, at Yesùt en Simon etage aike Peterùt egaregat a'nogo anema wokìkì logolìk he, “Simon Yohanet aput nagot e. It hagaiya'lak he'nakìt yoma re, an inetaùken hutik he, mea negen meneat he, hat enek he, an hetaùken tùlem negen welagen a?” ìlùk yogosikomo, at Peterùt en he, “Ì o, noe. An nen hat hebe netawìat o,” ìlùk yogosikomo, at Yesùt en he, mel yogosike: “Halok he, nako topa ena mene hanorogo serisek logoino o,” ìlùk yogosike.

YOHANET 21:15 ပူးပေါင်းရင်းမြစ်များ

ÙRÙM 15:1

Nit aike, ninetaùken Ala oba wurik hogo hìpìrìk welago mene nen, ninokawerek hesik enek nina'la hanorogo hagatì'lek, we, it aike inetaùken akutmo abolok werek mene atì, lebethisìkì logousak o.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

IBERANI 13:20

Ninopase Ala lapulogo hinikerek mene a'nogo nen, ninoe Etagepogot Yesùt wa'lagaikesi'mo nen ebe eluguthesike. At ebe amep wulagasogo wasukwa atì ba, Ala nen wene motok logogin mene warogo wo'ninapikesik, nit obogat Yesùt en ako topa negen se'nisek logouagalùk ebe menhesike atì.

ÙRÙM 14:1

Hinerùgì hinagaiya'lak aike inetaùken Ala oba tùkùm hogo hìpìrethìgì'lek akurat werek mene atì, it inoabùt he, “Yì'nogo hagasusak, tì'nogo hagasusak,” ìlùk egarek mene atì hesik wenagisìgì'legat woginapì logoino o.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

YOHANET 21:12

Su atì'nogo wolok wùlìbi wagaikomo, at Yesùt en he, mel yogoisasike: “Nagoromì. Sùpùrùk nùok en we'ni o,” ìlùk yogoisasike. Atì'nogo yogoisasikomo, it at agoromì amanogo nen he, “Yì ninoe Etagepogot ebeat o,” ìlùk enagat hasukwasik nogo nen he, at aike nen, “Hat sa,” ìlùk inayù'lek hogo hinok wokhìgì'lek kamo isukwa.

YOHANET 21:7

Atì'nogo mea agaikomo logolìk, at Yesùt agoromì mene aike, at etaùken hutik mene a'nogo nen he, Peterùt mel yogosike: “Peterùt, ap arì ninoe Etagepogot a'nogoat o,” ìlùk yogosike. At Yesùt agot a'nogo nen, “Ap arì ninoe Etagepogot a'nogoat o,” ìlùk Peterùt yogotenem asuk holhikesik he, asu etakwe mene nokologo hesikesik nokolek welagaike mene hepok-hepok laberasikesik he, ima pok pisike.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

1 KORÌTÙT 8:11

Hat en: “An wene nelu o,” ìlùk atì'nogo hagasigin atì ba, hagaiyak aike etaùken akut mene hesik Karìsùt wa'lagaike meneat he, hat en weagathegein atì.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

MAREKÙT 14:29

Atì'nogo yogoisasikomo re, at Peterùt en mel yogosike: “It he'na yoma inebe obogat herakhagalùk hese pùgùlho halok he, an atì'nogo hese wùlìbigin lek o,” ìlùk yogoisikomo,

LUKAT 12:32

“Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

MATÌÙT 10:37

Nen, an he, hinabìt negen akìkì logolìk he, hinopase hinagosalak hinetawì welagep halok he, an nagoromì asusak lek o. Nen, an hinabìt negen logolìk hinagainapùrì mel, hina'logomì mel, hinetawì welagep halok he, an nagoromì asusak legat o.

YOHANET 13:37

at Peterùt en at oba hinok wokhìkì logolìk he, “Noe. An hat hesik wa'lasusak welagì meneat he, hat en he, yogotak an nopolik wesusak mea egen atì nenahalok,” ìlùk yogotì lagaikomo,

YOHANET 1:42

Atì'nogo yogosikesik he, Yesùt oba wolok wagaikomo, at Yesùt eileken at lakhìlìk he, mel yogosike: “Simon Yohanet aput yì, nagot e. Hat hetage Kepat ìkì logouagalùk salhapi o,” ìlùk yogosike. Atì'nogo yogosike atì re, nit yoma ninane ba etage helep isa u hak, Yunani inane ba Peterùt egarek hak, Iberani inane ba etage Kepat ìlùk salhike atì.

MATÌÙT 26:35

at Peterùt en he, “Lek o. An neperagat ninoasumo re, hanoat o. An nen, Hat nokot o, ìlùk, labeligin lek o,” ìlùk ikenem he, it Yesùt agoromì ane wanhì lagaukwa mene amanogo he'nakìt obogat en he, atì'nogoat ìlìk lagaukwa.

MATÌÙT 26:33

at Peterùt en he, “It obogat herakhagalùk pùgùlha halok he, an enek he, herakhagalùk hese wùlìbigin motok lek o,” ìlùk yogosikomo,

LAKSASIKE 20:29

Mene re, yeke lo yeke anini weak mene nen wam herakhìgì'lek motok nikerek atì hak, an nebe lìlì'mo nen, it aike nen Ala againapùrì hit en serisek welagep mene atì weagarinabi ki wesugun mene werek o, ìlùk an nelu.