YOHANET 20:29 - Ala Ane Wene Ket Mene Warogo Wo'ninapike Wene

²⁹ at Yesùt en he, mel yogosike: “Hat he, heileken arat neegetik en eberogoat ìlùk hetaùken noba hìpìrethegen. Atì'nogo meneat he, it apùnì aike ineileken nììgì'lek meneat he, inetaùken noba hìpìrethogoin halok he, ina'la hai hakogoin o, ìlùk eberogoat yogohetì,” ìlùk yogosike.

YOHANET 20:29 ပူးပေါင်းရင်းမြစ်များ

MATÌÙT 13:16

Meneat he, hit enek he, hineileken hìgìk, hinasuk holhìk, egesep atì nen he, hina'la hai hakìkì logoni o.

LUKAT 1:45

Nopase Etagepogot en abok yogohesike mene, ebeat asigin o, ìlùk, hetaùken Ala ba hipìrethegen atì, ha'la hai apik hakegein o,” ìlùk yogosike.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 20:8

Atì'nogo hasikesi'mo nen, at Yesùt ane wanhì lagaukwa mene aike alebagìk warek hesukwa ba wagaike mene a'nogo hobuk a'la kisikesik eileken hìthasike hak he, atì'nogo were'ma eileken hasikesik, eberogoat ìlùk hùthasike.

YOHANET 4:48

at Yesùt en he, ap kain a'nogo mel yogosike: “Hit apùnì yoma hinoabùt he, an nen hit hinelu asuagalùk elalin mene aike hagatenem hineileken nììlìk enek he, hinetaùken noba hìpìrethousak hisìkì lagì. Elalin mene hagatì'lek halok hinetaùken noba hìpìrethousak lek hisìkì lagì o,” ìlùk yogosikomo,

2 KORÌTÙT 5:7

Nit he, nineileken hìkì lago mene yoma oba hakothìlìk welago hùk. We, ninetaùken at Yesùt oba hìpìrethìlìk welago.

IBERANI 11:1

Inetaùken Ala oba hìpìrìk welagaikarek atì ebe re, yì'nogo. “Hano asigin,” ìlùk eberogoat akìgìk, “Yì mene tì mene nineileken hìgì'lek meneat he, eberogoat weregat o,” ìlùk hùthìgìk, egarek atìat o.

IBERANI 11:27

Atì'nogo akìlìk wùlìpikesik he, etaùken Ala oba hìpìrethìlìk, “Ap kain Piraùn atì a'mage lagousak atì nayùk e,” ìlùk a'la akìgì'legat, Ala ebe nineileken hogorek lek mene atì eileken hìkì logolìk negen, “Netaùken at oba lakhìgìrì'mo re, wùlìbiginat o,” ìlùk o Mesit heraksalùk wùlìbi wagaike atì.

IBERANI 11:39

Ala nen, “Hanothinabigin,” ìlùk abok yogonisasike mene atì, it inebe obogat atì ebe wanhì'lek meneat he, inetaùken Ala ba hìpìrìk logolìk hano hagarìk waga lagaukwa atì nen, at Ala nen, “It hano,” ìlùk inebe oba lìok isike. Atì'nogo ebe wanhì'lek atì re, Ala nen holoat nit hesik hano mene wenago hinìkì logolìk, nit lek werek kolek it inaligat he, hano katok hogo hagarinapì'lek. We, nit hesik, “It inom apìnene katok hogo hagarinabigin,” ìlùk abok isikesi'mo nogo nen he, it en ebe wanhì'lek welagaukwa atì.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.