YOHANET 20:27 - Ala Ane Wene Ket Mene Warogo Wo'ninapike Wene

²⁷ hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.

YOHANET 20:27 ပူးပေါင်းရင်းမြစ်များ

MATÌÙT 17:17

Atì'nogo yogosikomo, at Yesùt en he, mel yogosike: “Hit apùnì o yogotak welagep mene yì re, hinetaùken noba hìpìrethìgì'lek logolìk nong akìkì lagep yoma rì! An hit ninom neki mìren oba logogun nogo. Hit yì'nogo hagato kolek nepe morogo neki mìren logogin,” ìlùk yogoisasikesik he, “Yekerek arì an noba wolok we'ni o,” ìlùk yogoisasikomo

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

LUKAT 24:39

An nebeat o. Neki nesok yoma hineileken hìthani! An he, neino mel, noak mel, werek atì hak, it mokat atì atì'nogo motok lek. Halok he, hineki ha'nììgìk, hineileken nììgìk, ìkì logolìk, Yesùt ebeat, ìlùk hina'la akani o,” ìlùk,

LUKAT 24:40

atì'nogo yogoisìkì logolìk, at eki esok amanogo ìnùgisasike.

LUKAT 9:41

Atì'nogo yogosikomo, at Yesùt en it apùnì logolek amanogo mel yogoisasike: “Yì sani! Hit apùnì o yogotak welagep mene yì re, hinetaùken noba hìpìrethìgì'lek logolìk, nong akìkì lagep yoma rì! An nepe morogo neki mìren oba ninom logogun nogo!” ìlùk yogoisasikesik he, ap a'nogo mel yogosike: “Haput arì wolok eme o,” ìlùk yogosike.

YOHANET 20:20

eki mel, abeleken mel, wasukwa mene a'nogo agapùt ìnùgisasike. Atì'nogo ìnùgisasikomo ineileken hasukwasik he, “Ninoe ebeat o,” ìlùk ina'la hai apik hakasukwa.

YOHANET 20:25

Atì'nogo ebe le'ma nogo nen he, it Yesùt agoromì he'nakìt en he, mel yogosukwa: “Tomat nagaiyak. Nit ninoe Etagepogot a'nogo arat nineileken hogo,” ìlùk yogosukwa meneat he, at en he, mel yogoisasike: “An nen at eki ba posie omaken wata mene akwe neileken tùkùm hogo hìgì'lek, nen agapùt neki hakìgì'lek, abelekenma sìge akokwe neki tùm kelakhìgì'lek halok he, eberogoat ìlùk akegein motok lek o,” ìlùk yogoisasike.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.