YOHANET 20:25 - Ala Ane Wene Ket Mene Warogo Wo'ninapike Wene

²⁵ Atì'nogo ebe le'ma nogo nen he, it Yesùt agoromì he'nakìt en he, mel yogosukwa: “Tomat nagaiyak. Nit ninoe Etagepogot a'nogo arat nineileken hogo,” ìlùk yogosukwa meneat he, at en he, mel yogoisasike: “An nen at eki ba posie omaken wata mene akwe neileken tùkùm hogo hìgì'lek, nen agapùt neki hakìgì'lek, abelekenma sìge akokwe neki tùm kelakhìgì'lek halok he, eberogoat ìlùk akegein motok lek o,” ìlùk yogoisasike.

YOHANET 20:25 ပူးပေါင်းရင်းမြစ်များ

YOHANET 6:30

it en he, mel yogosukwa: “Hebe hùthagùagalùk, elalin mene aike hagatenem nineileken hììlìk, ninetaùken hoba hìpìrethùgùkwe re, ebe kì mene hagasigin. Aike nìkì'nogo hagasigin.

MAREKÙT 16:11

Lagaikesik he, mel yogoisasike: “At Yesùt he, eluk agasik werek o. Ebe arat neileken hìgì,” ìlùk yogoisasikomo, inasuk holhukwa meneat he, eberogoat ìlùk akasukwa lek.

IBERANI 3:18

Ala nen wenagisìkì logolìk hopuk yì'nogo palhike: “An nen, Hit set walogoin, ìlùk abok yogohisasigi a'nogo, set walogoin motok lek o,” ìlùk yogoisasike atì sanì nogo. Atì re, it apùnì Ala ane hologo higit hogo hagatì'lek heraksìkì lagaukwa mene amanogo akìgì.

IBERANI 3:12

Halok he, nerùgì nagaiya'lak. Hit aike hinoabùt weak arìk, hinetaùken Ala eluk motok welagarek mene oba hìpìrethìgì'lek logolìk, at ebe heraksalùk hinapotkwe wùlìbi lanogo ìlùk, hinoabùt hebelogo logoino o.

YOHANET 21:7

Atì'nogo mea agaikomo logolìk, at Yesùt agoromì mene aike, at etaùken hutik mene a'nogo nen he, Peterùt mel yogosike: “Peterùt, ap arì ninoe Etagepogot a'nogoat o,” ìlùk yogosike. At Yesùt agot a'nogo nen, “Ap arì ninoe Etagepogot a'nogoat o,” ìlùk Peterùt yogotenem asuk holhikesik he, asu etakwe mene nokologo hesikesik nokolek welagaike mene hepok-hepok laberasikesik he, ima pok pisike.

YOHANET 1:41

Yesùt opolik lìlìk inom welagaukwasik he, at Atereat atì tak oe Simon a'nogo herarìk lagaikesik, eperak apì agaukwasik he, mel yogosike. Nit ninane ba Karìsùt apùnì telninapùkwe Ala nen ayoko hìlìk lakhei wesigin isike a'nogo u hak he, it inane ba, Mesiat ìlùk, “Mesiat a'nogo nit arat ninom apì ago,” ìlùk, yogosike.

LUKAT 24:25

Atì'nogo yogosukwama, at Yesùt en he, “Eige! Hinebe kepù a? Ap Ala ane yogoisìkì lagaukwa mene amanogo nen wene obogat yogoisìkì lagaukwa a'nogo eberogoat ìlùk hit hepok hùthahùk welagep yì rì!

MATÌÙT 27:42

“At en it apùnì aike elok telinapì laga meneat he, okawerek en telasak mea hìgì. E arì ba nen telogo pi waga halok he, nineileken hìlìk, at atì nit apùnì Isirael mene ninoe etagepogot eberogoat o, ìlùk, akùgùkwe re, pi we'nìk he!

MAREKÙT 16:13

Inopolik wagaikomo re, ineileken halùk inapotkwe inagaiya'lak he'nakit amanogo yogoisa lagaukwa meneat he, it ina'la nen eberogoat ìlùk akasukwa legat.

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

YOHANET 20:27

hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.