YOHANET 20:22 - Ala Ane Wene Ket Mene Warogo Wo'ninapike Wene

²² Atì'nogo yogoisasikesik he, eleage inoba hurogo lakhìkì logolìk he, mel yogoisasike: “Ala Areagùn helani o.

YOHANET 20:22 ပူးပေါင်းရင်းမြစ်များ

YOHANET 14:16

Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

YOHANET 15:26

“Hit lebethisìkì logouagalùk Ala Areagùn ebe wene yogoisoagalùk wagarek mene atì, an nen nopase were'ma nen hit hinoba lakhei waganem he, at en an nabok pak hogo yogohisìkì logogin o.

YOHANET 16:7

an nen wene ebe pak hogo yogohisak o. An legein lek logoilepma re, at hit lebethisìkì logogin mene atì hinoba we'lep lek meneat he, an legein atì nen, at atì an nen hinoba lakhei wesigin o. Halok he, an legein atì nen, hit hesik hano motok asigin, ìlùk eberogoat yogohisìgì o.

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

YOHANET 20:23

Nen, hit en apùnì weak hagatarek mene sagalogo legetsegep halok he, at Ala nen sagalogo legetsegeinat o. Nen, it apùnì aike weak hagatarek mene, hit an sagalogo legetsegep lek halok he, at Ala nen sagalogo legetsegein legat o,” ìlùk yogoisasike.

YOHANET 7:39

wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.

LAKSASIKE 10:47

“Lakhani. It yì Ala Areagùn nit wo'nisikerek atì hagat, it wogisikomo helaga atì. Halok he, sa nen, It ima pelaginabusak lek, ìlùk wene palusak akegep. Elok pelaginabusagat o,”

LAKSASIKE 19:2

Inoba kìlìk mel yogoisasike: “Hit hinetaùken Yesùt oba hìpìrethesigip atì re, Ala Areagùn wanhigisip welagep a? Lek a,” ìlùk yogoisasike. Yogoisasikomo, it en he, “Ala Areagùn werek ìlùk ikenem, ninasuk holhì'lek en wanhì'lek welago,” ìlùk yogosukwa.

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

LAKSASIKE 4:8

at Peterùt Ala Areagùn a'la peserogo welagaike mene a'nogo nen wene mel yogoisasike: “Nogogì kainte'lak mel, nopaselak mel, hinalaok.

LAKSASIKE 8:15

Laksa wagaukwama wagaukwasik he, apùnì o atoma mene nen he, “Ala ane eberogoat,” ìlùk wanhukwa mene, ninoe Etagepogot Yesùt etage palogo ima nek kerat pelaginapukwama, Ala Areagùn oan inoba pi wagì'lek welagaike atì nen, Ala nen Areagùn wogisoagalùk ayoko hesukwa.

KALATIA 3:2

Wene Ala nen ninasuk wasike wene a'nogo higit hogo hagatì lagagip atì ba Ala Areagùn wokhisasike a? At he, nit en hano wene yakùlhisasugumo holhigisip he, “Eberogoat,” ìlùk hinetaùken Karìsùt oba hìpìrethesigip atì ba wokhisasike a. Wene omakeat atìat yogone'ni ta.