YOHANET 20:17 - Ala Ane Wene Ket Mene Warogo Wo'ninapike Wene

¹⁷ Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 20:17 ပူးပေါင်းရင်းမြစ်များ

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

KALATIA 3:26

Hit hinetaùken Karìsùt Yesùt oba hìpìrìk welagep atì nen hinebe obogat he, Ala againapùrì welagep atì.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

ABÌKAKAN 21:3

Atì'nogo hìgìrìk oba nen, hobuk nasuk holhì hak he, at Ala kain welagarek obùlùk oba a'nogo nen, at aike ane hùkorogo ìkì logolìk: “Lakhani! Ala apùnì inom motok logogin mene, awì a'lì lakhani! Atì'nogo logolìk, it at againapùrìat logogun, nen, at Ala it inopase oba hìpìrìk logogun meneat logolìk, inom motok logogun o.

2 KORÌTÙT 6:18

An hit hinopaseat logogin o. Nen, hit an nagainapùrìat logogun o, ìlùk ninopase Etagepogot yì mene tì mene hagasusak enek a'nogo nen isikomo,” ìlùk helal waganogo hesukwa.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

MATÌÙT 28:7

Hìthalùk he, Yesùt a'nogo wa'lagasi'mo nen Ala nen eluguthikomo o, ìlùk, at agoromì ane wanhì lagaika mene amanogo hepok yogoisa lano o. Hit o Kalilea oan lagì'lek werek kolek, at tak lìlìk were'ma hineileken ha logoin o. Nane yogohisìgì atì eberek logoino,” ìlùk yogoisasikomo,

MATÌÙT 12:50

Sa nen an nopase pogot oba mene a'la akikerek mene higit hogo hagaterek halok, at atì an nagot, nerei, nagosa werek o,” ìlùk yogosike.

ABÌKAKAN 21:7

At sa nen omame asigin mene halok, wene obogat ìgì atì, at esewerek logogin o. Atì'nogo esewerek logolìk, an Ala at opase noba hìpìrìk logogin meneat logogin, nen at an napurat logogin o.

IBERANI 8:10

Hobuk apùnì Isirael wene ket mene warogo woginabigin ìlùk ìgì atì, ebe yìat: An nen wene inasuk watìrek wene atì ina'la eberek motok logouagalùk, wogisìgìk, inetaùkenma helal waganogo hisìgìk, ìlìk he, an it inopase logogin. Nen, it an nagainapùrìat logogun o.

YOHANET 20:27

hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 14:28

An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

YOHANET 14:2

An nopase aua atoma, o hit logousak oba obùlùk apik selek werek o. Atì'nogo lek logoilepma re, an o hit logousak oba tegeli legein, ìlùk wene wathisele lek o.

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 7:33

Atì'nogo iko kolegat, at Yesùt en mel yogoisasike: “An we, elama hesik neki hamùlùgat ninom logopik he, at lakhani wagaike mene a'nogo oba napotkwe arat legein o.

LUKAT 10:4

Nen, hit he, uang su a'la kalek mene inom, yì mene tì mene wokhisikenem su kalogo wolok lasak mene inom, sepatu aike su kalogo inom, aike wolok motok lagùp o. Nen, ebekwe laga logolìk, apùnì aike hinane abìrogo hai warinabìk lagùp o.

MATÌÙT 25:40

an ap kain Netagepogot nogo nen he, it apùnì amanogo mel yogoisegein: Hit en an nagoromì inetage lek mene aike were'ma atì'nogo hagarinapì lagagip atì, anat haga'napì lagagip o, ìlùk, eberogoat yogohisìgì, ìlùk yogoisegein.

IBERANI 11:16

We, it ebetì lagaukwa atì re, inawì ebe hano motok pogot oba mene hesik walok akìkì lagaukwa ati nen he, Ala nen it hesik inawì arat tegelogo hisasikesi'mo nogo nen, at en he, “An it inopase,” ìlùk, ekalì legat ikerek atì.

MAREKÙT 12:26

Apùnì wa'lari'mo Ala nen inelugurinabigin, ìlùk wene Musa nen helal wanhike mene a'nogo etage salhì'lek welagep nogo? At Musa e sebelek eroma lagaikesi'mo, Ala nen mel yogosike: Aberaham ho, Isak ho, Yakùp ho, inopase Ala anat o, ìlùk yogosikomo helal wanhike mene a'nogo etage salhì'lek welagep nogo? Etage salhesebat o.