YOHANET 20:1 - Ala Ane Wene Ket Mene Warogo Wo'ninapike Wene

¹ Warek atì'nogo hesukwasi'mo nen, o hari Minggu ba, at he Maria aua o Maktala mene a'nogo o mùm werek kolek hùp siak hogo warek omoulama hesukwa ba a'nogo wagaikesik eileken hìthasike hak he, kwe helep mene laberogo hesukwa mene a'nogo, wokhasukwama kwe hùrìk were'ma hasike.

YOHANET 20:1 ပူးပေါင်းရင်းမြစ်များ

MAREKÙT 16:9

[At Yesùt ebe hari Minggu ba melagaike atì sat ohealek hùp siak hogo re, melagaikesik, at he Maria aua o Maktala mene mokareke inoabùt weak mene inebe 7 nen a'la kìlìk were'ma hageat henogo wulaksasike mene a'nogo nen tak, “Emakum eileken neoak,” ìlùk elokoma melagaike.

MATÌÙT 27:60

omoula at mene okawerek en kerat ako holelhike ba atì hìlìk he, kwe helep sabìa hùko mene lìpìlogo hei wìrìk te'mek hogo labethùlùk lagaike,

MAREKÙT 15:46

Atì'nogo yogosikomo wagaikesik he, su kain kut hano mene oko palogo Yesùt warek a'nogo e ba nen pelakhei wìrìk he, su a'nogo ba ìkìlogo re, omoula apùnì warek hisùogolùk apùnì ineki nen ako holelhukwa mene ba hesike. Hìlìk he, helep hùko mene lìpìlogo wolok wìrìk he, te'mek hogo labethesike.

YOHANET 20:26

Atì'nogo yogoisasikesik oba nen he, ineki 7 nen welagaukwasik en aike ba it Yesùt agoromì ane wanhì lagaukwa mene amanogo Tomat inomat, o a'nogoat atogosukwasik, kwe obogat kelok yagathìlìk welagaukwa meneat he, at Yesùt wagaikesik ina'la melagaikesik he, mel yogoisasike: “Nagoromì. Hinagùt a'ma”, ìlùk yogoisasikesik,

YOHANET 19:25

Atì'nogo hagato kolek, Yesùt agosa mel, agosa agot mel, he Maria ap Kolopat agwe mel, he Maria aua o Maktala mene a'nogo mel, e Yesùt ebe menhesukwa ba era'lu metek welagaukwa.

ABÌKAKAN 1:10

Atì'nogo were'ma, o ninoe Etagepogot awì we ikomo re, Ala Areagùn noba louk ikomo, napotma nen at aike ane pìkon hùko mene ane hake be mel yogonetenem nasuk holhì:

MATÌÙT 27:64

at agoromì amanogo nenat warek atì hinasi lìlìk apùnì yogoisìkì logolìk he, At Yesùt atì wa'lagasi'mo nen Ala nen eluguthikomo o, ìlùk ìkì logoinogo. At ebalep apùnì lalinabìk nìkì laga atì hamùlùgat negen. Meneat he, hobuk atìgìnumo re, hùkoat lalinabi nogo nen he, nineki hinagan ya hesik he, kagalek logouak en he, ap aike inayoko hein o,” ìlùk yogosukwama,

1 KORÌTÙT 16:2

An nebe waganem en atogosusak lek o. We, ya baat hari Minggu ba ninhùp-nanhùp ìkì logolìk, hinebe lopok hinekim aga halok, atogorogo hisìlìk hesogo logoino o.

LAKSASIKE 20:7

Nit o atoma logolìk, Ala hesik welegat welagagusik he, hùako sùpùrùk horoti mene ninerùgì ninagaiya'lak ninom nuogolùk atogothìlìk, at Paùlùt en wene yogonisìkì lagaike. Hùen arat luogolùk nogo nen he, wene uanat yogonisìkì logolìk, hùako hùp pùlemat yogonisiko motok welagaike.

MATÌÙT 27:56

It hìmì atem he, aike Marìa aua Maktala mene. Nen, aike re, he Marìa Yakobùt ho, Yùsùp ho, inagosa a'nogo. Nen aike re, Sepeteut againapùrì inagosa a'nogo ho, hìmì aike inomat welagaukwa.

MATÌÙT 27:66

Atì'nogo yogoisasikomo, it amanogo wogisek wagaukwasik he, apùnì nen kwe husinogo ìlùk he, warek salek oba kwe helep te'mek hogo hesukwa a'nogo oba silo hagarek atì hak amusu wathìlìk, it ap kagalek logogun mene amanogo kagalek hisalùk lagaukwa.

MATÌÙT 28:1

Atì'nogo hagasukwasik ineki sabìt oba welegat welagaukwasik en, hùen hari Minggu ba, o hìl lakhei waga kolek, at he Marìa aua Maktala mene a'nogo mel, he Marìa aike a'nogo mel, Yesùt warek hesukwa ba ineileken hùogolùk wagaukwa.

MATÌÙT 28:2

Waga kolek aremnogoat he, lugul hùkoat langathiko kolek malaikat Ala nen pogot oba nen yoko pelaksa wagarek mene aike pi wagaikesik, kwe helep mene te'mek hogo yagasukwa a'nogo lekalogo lakhìlìk he oba hù'lagaike.

YOHANET 11:38

Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike.

YOHANET 11:41

it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike: “Ala nopase. An nane hasuk holhen atì nen he, hai wathapì lagì o.