YOHANET 2:6 - Ala Ane Wene Ket Mene Warogo Wo'ninapike Wene

⁶ It apùnì Yahuri mene nen hageat atoma nenat hagatì logolìk he, yì mene tì mene mel, inebenakwe mel, sobalogo nek hagatarek mene hesik isoak torom hake ebe helep mene hagarek hùkotek mene ebe 6 en atoma hesukwama welagaike. Torom hake atì ebe lopok a'la re, i 100 liter hake hinasusak elok welagaike.

YOHANET 2:6 ပူးပေါင်းရင်းမြစ်များ

YOHANET 3:25

Atì'nogo ima pelaginapo were'ma, at Yohanet agoromì ane wanhì lagaukwa mene mel, it ap Yahuri mene aike mel, inom, it apùnì Yahuri mene nen yì mene tì mene oba sobalogo nek hagataresi'mo nogo nen he, wene atì hesik apik palhì lagaukwa.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.

IBERANI 9:19

Ala nen, “Yì'nogo hagasusak, tì'nogo hagasusak,” ìlùk, ninasuk wasike wene atì obogat, at Musa nen it apùnì Isirael mene yogoisasikesik he, hobuk sapi amep mel, kambing amep mel, i inom mulelogo ìpìkwe-apìkwe hìlìk en, topa esi elokoken mep hake mene sìbat elùgùn oba holok hogo hìlìk, musan eka mep watarek atì hak, mep yùgùlogo Ala nen wene ninasuk wasike wene helal waganek atì ba wathìgìk, apùnì Isirael mene inebenakwe hesagathìgìk, warisìgìk, isike.

IBERANI 6:2

Ima pagarek wene atì yakùlhìk, inùkùl sebelharek wene atì yakùlhìk, wa'larì'mo Ala nen ninelugu'ninabigin wene atì yakùlhìk, elùgùn oba ùkùm ninoba hìgìk, kotìk, ikenem moto'-motok logogun wene atì yakùlhìk, isugu mene atì ninane etenogo hobuk yakùluok legat o.

LUKAT 16:6

at ap a'nogo nen he, Minyak goreng sogoloak hùkotek mene ebe 100 nen hinago nomat noba werek o, ìlùk yogosikomo, at en he, mel yogosike: Nomat hoba atì hesik, helal waganek yì wìlìk he, hobuk helal ket mene aike wanhì logolìk he, 50 nen hinago mene nomat noba werek, ìlùk helal hepok wanin o, ìlùk atì'nogo yogorìk he,

YOHANET 2:7

Atì'nogo were'ma re, at Yesùt en it inatitigeke mene amanogo yogoisìkì logolìk he, mel yogoisasike: “Isoak torom hake aroma ha i hina'ni o,” ìlùk yogoisasikomo, apem hesogotìgìk hinasukwa.